Больш за 2 тысячы жыхароў Гродна сталі валанцёрамі лічбавага руху #яанлайн, створанага кампаніяй А1 для ўсіх, хто хоча навучыць сваіх родных і сяброў разбірацца ў сучасных тэхналогіях і карыстацца мабільным інтэрнэтам.
Стаць валанцёрам можа любы чалавек і абанент любога мабільнага аператара. Усё, што для гэтага неабходна, — актыўна карыстацца сучаснымі тэхналогіямі і хацець дзяліцца сваімі ведамі з іншымі людзьмі. За першы месяц ад пачатку праекта на сайце #яанлайн зарэгістраваліся ўжо калі 25 тысяч беларусаў.
Многім людзям усё яшчэ складана самастойна разабрацца ў тым, як аплачваць рахункі анлайн і не стаяць у чэргах, рабіць пакупкі з дастаўкай на дом, шукаць карысную інфармацыю і ўсталёўваць прыкладанні, замаўляць лекі ды іншыя тавары, званіць па відэасувязі родным і сябрам. У тым, каб патлумачыць гэта і паказаць, якія магчымасці адкрывае перад любым сучасным чалавекам доступ да мабільнага інтэрнэту, і заключаецца задача ўдзельнікаў праекта #яанлайн.
У дапамогу ім запушчаны асобны тэлеграм-канал «ЯнАнлайн» з парадамі аб тым, як аблегчыць пачаткоўцам знаёмства са светам сучасных тэхналогій. Таксама спецыяльна для валанцёраў на сайце праекта сабраныя інструкцыі і падборкі карыснай інфармацыі, якімі яны могуць падзяліцца са сваімі вучнямі.
Найпапулярнейшымі раздзеламі выявіліся тыя, дзе расказваецца, як атрымаць талон у паліклініцы анлайн, знайсці ў сеціве далёкіх сваякоў і сяброў дзяцінства, хутка даведацца пра надвор’е на заўтра, падключыць мабільны інтэрнэт ад А1, зэканоміць трафік і ўсталяваць на свой смартфон карысныя прыкладанні.
Праект #яанлайн доўгатэрміновы, таму прыяднацца да яго ніколі не позна.
