Гродзенскія фанаты падчас перформанса на 100-годзе БНР. Фота: Руслан Кулевіч
Гродзенскія фанаты далучыліся да заўзятараў мінскага «Дынама» і выступілі са зваротам да футбалістаў «Нёмана». Яны заклікаюць гульцоў не падпісваць праўладны ліст.
24 лістапада з’явілася інфармацыя пра адкрыты зварот, у якім беларускія спартсмены падпісываюцца за падтрымку дзеючага палітычнага рэжыма. Футбольныя клубы Беларусі таксама сталі атрымліваць запыты падпісаць такі ліст.
З гэтай нагоды спачатку выступілі фанаты мінскага «Дынама». Яны папярэдзілі футбалістаў, што той, хто падпіша ліст, стане «здраднікам свайго народа». 26 лістапада свой зварот апублікалі і фанаты «Нёмана»:
«Мы, фанаты Нёмана, лічым, што ўжо немагчыма сумленным людзям падпісвацца пад гэтым… Падпісаўшы ліст, ты тым самым падтрымліваеш гвалт і беззаконне. І калі хтосьці з Нёмана зробіць такі крок, для нас ён пустое месца! Верым у ваша сумленне!!! Разам МЫ НЁМАН!!!».
Пакуль няма інфармацыі, ці атрымаў «Нёман» ліст з адкрытым зваротам, але ў верасні некаторыя гродзенскія футбалісты падтрымалі беларускіх спартоўцаў і выступілі супраць гвалту.
На дадзены момант ліст спартыўнай грамадскасці падпісала больш за 1200 чалавек. Яны асуджаюць шматлікія факты фальсіфікацыі вынікаў выбараў прэзідэнта Рэспублікі Беларусь, а таксама праяву грубага гвалту з боку сілавых структур у дачыненні да мірна пратэстуючых грамадзян.
Чытайце таксама: «Я здаровы мужык і не магу абараніць слабых». Волат з Гродна пра тое, што спартсмены думаюць пра пратэсты і гвалт
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…