Навіны

Калі ў Гродне пачнуць святкаваць Новы год і як правесці 1 студзеня ў горадзе

Святочныя мерапрыемствы стартуюць у Гродне 7 снежня — ўпрыгожаць горад і ўстановяць ёлкі. 10 снежня адкрыюць алею ёлак у парку Жылібера. 1 студзеня пройдзе навагодняя канцэртна-забаўляльная праграма. У праграме магчымыя карэкціроўкі, піша grodnonews.by.

7 снежня. У 18.00 на плошчы Савецкай, якая стане асноўнай лакацыяй у навагоднюю поўнач, запаляць ілюмінацыю навагодняй елкі.

Да 7 снежня плануецца цалкам упрыгожыць гандлёвыя аб’екты і прадпрыемствы горада да навагодніх святаў, а таксама ўсталяваць навагоднія ёлкі. «Гарсвятло», напрыклад, да зімовых святаў плануе ўсталяваць 9 навагодніх елак — на плошчы Леніна і Савецкай, вуліцах Дзяржынскага, Ліможа, Кабяка, Урублеўскага, на праспекце Касманаўтаў у раёне аўтавакзала, а таксама ў мікрараёнах Альшанка і Пагараны-Кашэўнікі — і запаліць каля 86 000 лямпачак.

Акрамя таго, з 7 снежня забяспечаць рух па гарадскіх маршрутах пяці аўтобусаў і тралейбусаў, упрыгожаных навагодняй ілюмінацыяй.

10 снежня. У 17.00 у парку Жылібера адкрыюць алею дызайнерскіх елак. Дзясяткі ёлак па традыцыі прадставяць гродзенскія прадпрыемствы і арганізацыі. У ёлках яны адаб’юць сваю дзейнасць з дапамогай элементаў і ўпрыгожванняў святочнай канструкцыі. У гэты ж дзень пачнецца рэспубліканская акцыя «Нашы дзеці».

11 снежня. Пройдзе навагодні аўтапрабег касцюміраваных аўтамабіляў ад прадпрыемстваў і арганізацый горада Гродна з удзелам Дзядоў Марозаў і Снягурак. Канчатковы маршрут мерапрыемствы прапрацоўваецца. Плануецца, што аўтапрабег пройдзе па мікрараёнах горада Гродна з канцавым прыпынкам на плошчы Савецкай.

На плошчы Савецкай адкрыецца і калядны кірмаш. Перыметр плошчы Савецкай абяцаюць падзяляць. Асобнае месца, да прыкладу, адвядуць прадуктовай зоне, дзе можна пачаставацца глінтвейнам, імбірным печывам і многім іншым. У прамтаварнай — набыць для родных і блізкіх арыгінальныя падарункі і сувеніры. Таксама размесцяцца на кірмашы ёлачны базар, фотазоны і дэкаратыўныя фігуры і іншыя святочныя ілюмінацыі. Працаваць калядны кірмаш будзе штодня да 17 студзеня.

18 снежня. У Цэнтры рамёстваў «Наследие» Гродзенскага гарадскога цэнтра культуры па вуліцы Рэйманта, 12, адбудзецца адкрыццё маёнтка Дзеда Мароза. А 24 снежня на базе Гродзенскай абласной філармоніі ў 11.00 плануецца правядзенне дабрачыннага дзіцячага свята «Волшебство на Рождество».

1 студзеня. З гадзіны ночы і да чатырох раніцы на плошчы Савецкай пройдзе навагодняя канцэртна-забаўляльная праграма. Будзе Дзед Мароз і Снягурка, шмат музыкі і танцаў. Залпы святочнага феерверка пачнуць гучаць роўна праз дзве гадзіны пасля бою курантаў.

Падзяліцца

Апошнія запісы

На могілках у Гродне з’явілася пліта расійскага салдата, які ваяваў супраць Украіны

Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…

23 красавіка 2025

Як будзе выглядаць стогадовы дом у стылі канструктывізму на Міцкевіча пасля перабудовы: праект

Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…

23 красавіка 2025

У Гродне можна зрабіць здымак райка вока — паслуга падабаецца парам

Макраздымак райка (рус. - радужки) вока можна зрабіць у Гродне на вул. Будзённага. Закаханым прапануюць…

23 красавіка 2025

У Беларусі распрацуюць экскурсію па храмах і могілках Воранаўшчыны

У Нацыянальным агенцтве па турызме прапануюць распрацаваць экскурсію "Па святынях Воранаўшчыны". Аўтар зможа зарабіць 2820…

23 красавіка 2025

Дом быту ў Гродне прадалі на аўкцыёне з пятай спробы

Раней Дом быту на Замкавай, 4 спрабавалі прадаць ужо чатыры разы. У час аўкцыёну, які…

22 красавіка 2025

У гродзенскіх гатэлях амаль не засталося месцаў на травеньскія святы

У Threads беларус Дзяніс выказаў здзіўленне наконт таго, што ў гасцініцах і гатэлях Гродна ўсе…

22 красавіка 2025