Гродзенскі дзіцячы хоспіс высяляюць з памяшкання. Там дапамагаюць цяжкахворым дзецям і шыюць медыцынскія маскі

Дзіцячая паліклініка № 2 у Гродне па адрасе Гагарына, 18 з 23 снежня 2020 года скасуе дамову арэнды з Гродзенскім дзіцячым хоспісам імя святога Губерта. Прычына — эпідэміялагічная сітуацыя, памяшканні будуць выкарыстоўвацца для арганізацыі працы з COVID-19. Прычыну растлумачылі ў лісце дырэктарцы хоспіса Вользе Вялічка за подпісам намесніка галоўнага ўрача Ірыны Голуб. Дакумент трапіў у распараджэнне рэдакцыі Hrodna.life.

— Мы не разумеем, аб якіх складаных эпідэміялагічных сітуацыях можа ісці гаворка, калі па афіцыйных дадзеных Міністэрства аховы здароўя ў нас нязначны прырост па тых, хто захварэў, у адносінах да іншым краінам. Якія складаныя эпідсітуацыі прагназуе паліклініка ў снежні? — пракаментавала Вольга Вялічка Hrodna.life.

Сотрудников Гродненского детского хосписа проверяют по делу о неуплате налогов

Юрысты паспрабуюць абскардзіць скасаванне дамовы арэнды, сказала Вольга Hrodna.life. Варыянтаў іншых памяшканняў для хоспіса ў Вялічкі няма. Пры першай хвалі COVID-19 у Гродне дамову арэнды не скасоўвалі.

На момант падрыхтоўкі публікацыі датэлефанавацца намесніку галоўнага ўрача Ірыне Голуб Hrodna.life не атрымалася — не знялі трубку. Як у паліклініцы будуць выкарыстоўваць памяшканне, дзе цяпер размяшчаецца хоспіс, пакуль невядома.

«Было более-менее приемлемо, меня никто не бил». Как в Гродно задержали и судили директорку детского хосписа

Хоспіс працуе ў Гродне 13 гадоў. Там дапамагаюць цяжка хворым дзецям прыкладна з 70 сем’яў: аказваюць медыка-сацыяльную, псіхалагічную і духоўную дапамогу невылечна хворым людзям. Падапечным хоспіса ад 0 да 24 гадоў. Гэта людзі з анкалагічнымі і генетычнымі захворваннямі, з паталогіямі нервовай сістэмы. У хоспісе дапамагаюць ім і іх бацькам.

У сацыяльнай майстэрні хоспіса валанцёры ўжо некалькі месяцаў шыюць сродкі індывідуальнай абароны (Сіз) для медыкаў. За месяц можна пашыць каля 700 камбінезонаў.

У 2019 годзе кіраўніцтва хоспіса прасіла гарадскія ўлады вылучыць будынак былога медыцынскага выцвярэзніка на вул. Сыракомлі ў сувязі з пашырэннем паслуг для падапечных. Улады адказалі, што дзіцячы хоспіс не ўваходзіць у пералік юрыдычных асоб і ІП, якім нерухомая маёмасць, якая знаходзіцца ў дзяржаўнай уласнасці, прадастаўляецца ў бязвыплатнае карыстанне.

Праблемы з памяшканнем былі і ў сацыяльнай майстэрні пры Гродзенскім дзіцячым хоспісе, дзе шылі сродкі індывідуальнай абароны. Спачатку іх папрасілі з’ехаць з будынка на Гагарына, 18. Пазней знайшлася пляцоўка ў Пышках, але іх зноў выселілі адтуль.

«Они дали ноль денег». Почему гродненским детским хосписом заинтересовалась областная комиссия

«Тут шмат любові». Фотагісторыя пра жыццё дзіцячага хоспіса ў Гродне