Apple хоча заблакаваць тры Telegram-канала з дадзенымі аб беларускіх сілавіках. Заснавальнік мессенджера Павал Дураў адрэагаваў на запыт. Сваё меркаванне на гэты конт ён выказаў у сваім Telegram-канале, і прапанаваў выказацца карыстальнікам.
«Я думаю, што гэта не чорна-белая сітуацыя, і я б аддаў перавагу пакінуць каналы ў спакоі, але звычайна ў падобных сітуацыях Apple не прапануе асаблівага выбару для такіх прыкладанняў, як Telegram ў такіх сітуацыях», — піша Павел Дураў.
Па словах Дурава, Apple турбуе, што публікацыя асабістай інфармацыі прапагандыстаў і супрацоўнікаў праваахоўных органаў Беларусі можа справакаваць гвалт.
Таксама прадпрымальнік даў магчымасць выказацца падпісантам. Большасць з чытачоў апынуліся незадаволеныя патрабаваннем Apple, і хацелі б, каб Telegram яго праігнараваў.
Восенню 2019 года Apple выдаліла з App Store дадатак, які дазваляе сачыць за перамяшчэннем паліцыі ў Ганконгу, пасля таго, як кітайскія СМІ абвінавацілі кампанію ў дапамозе пратэстоўцам. Тады кампанія таксама заявіла, што «яно падвяргае небяспецы паліцэйскіх і жыхароў Ганконга», нагадвае The Bell.
Дураў лічыць, што каналы ў выніку будуць заблакаваныя на iOS, але застануцца даступнымі на іншых платформах. У Беларусі доля Apple OS у агульным трафіку ў Беларусі ў верасні 2019 склала 7,69%, згодна з падлікам belretail.by. Для PC прылад гэта было 2,33% ад агульнага трафіку, сярод планшэтаў Apple OS склала амаль 20% (1/5), але астатняе — гэта Android-прылады. Для мабільных тэлефонаў доля Apple OS год таму ў Беларусі была 9,4%.
Чытайце таксама:
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…