Навіны

Перавозчык: многім грузавікам з Літвы і Польшчы даводзіцца аб’язджаць Беларусь — «губляюцца грошы»

У сярэдзіне верасня Лукашэнка заявіў аб «закрыцці мяжы» з захаду, што азначала ахову мяжы ва ўзмоцненым варыянце. Аднак для многіх перавозчыкаў паняцце «закрытая краіна» набывае цалкам літаральнае значэнне. Са слоў аднаго з бізнэсоўцаў, праз поўныя дагляды польскіх і літоўскіх фур губляецца столькі грошай, што прасцей ехаць у аб’езд Беларусі, піша Onliner.by.

«У гэтыя дні грузавікі з Польшчы і Літвы на мяжы з Беларуссю мытнікі адпраўляюць на поўны дэталёвы дагляд, — распавёў Onliner Раман, прадстаўнік адной з фірмаў-рэзідэнтаў РБ. — З гэтай практыкай мы сутыкнуліся ўчора, нашы кіроўцы стаяць на мяжы ў чаканні надгляду ўжо суткі. Пры гэтым фуры з Германіі ці Чэхіі праязджаюць свабодна, іх прапускаюць, як і раней. Для нас гэта немалыя страты, не лічачы штрафных санкцый за затрымку дастаўкі грузу. Справа ў тым, што сам дагляд таксама каштуе грошай: тавар трэба выгрузіць, загрузіць назад — за ўсё гэта патрабуюць плату. Бясспрэчна, мытня мае права патрабаваць даць груз для дагляду, аднак раней такой частай, калі не сказаць паўсюднай практыкі не было. Мы сур’ёзна задумваемся аб’язджаць краіну, як ужо зрабілі некаторыя іншыя кампаніі».

Тое, што Беларусь апошнім часам зрабіла больш жорсткімі патрабаванні да працы літоўскіх аўтаперавозчыкаў, канстатуе і прэзідэнт Літоўскай нацыянальнай асацыяцыі аўтаперавозак Linava. «Частка патоку грузаў перавозчыкі імкнуцца накіроўваць праз латвійска-расейскую мяжу, у аб’езд Беларусі, — распавялі прадстаўнікі ўпраўлення асацыяцыі ў інтэрв'ю Delfi. — Праца на мяжы стабілізавалася, аўтамабілі правяраюцца на мяжы і едуць далей, але на ўнутраную мытню іх ужо не накіроўваюць. Частка перавозчыкаў імкнецца накіроўваць грузавікі праз мяжу Латвіі і Расіі, у аб’езд Беларусі. Аднак у такім выпадку пачынаюцца заторы на мяжы паміж Латвіяй і Беларуссю». У той жа час, як піша выданне, начальнік аддзела прэвенцыі службы аховы дзяржмяжы Літвы Гедрус Мішуціс у чацвер заявіў, што сітуацыя на літоўска-беларускай мяжы цяпер звычайная.

Падзяліцца

Апошнія запісы

Назву гурта Dzieciuki і яго сацсеткі прызналі «экстрэмісцкімі». Падобна, што «экстрэмісцкай» стала і першая беларускамоўная газета

Сацсеткі панк-гурта з Гродна Dzieciukі і сам гэты надпіс у Беларусі прызналі "экстрэмісцкімі матэрыяламі". Паводле фармулёўкі…

27 красавіка 2025

Нерухомасць тыдня: у Гродне прадаюць дом з ажурным балконам у 60 метрах ад Нёмана

У Гродне на продаж выставілі дом на 2-м Падольным завулку - па суседстве з рэстаранам…

26 красавіка 2025

Школьнікі з Гродна трапілі пад прафілактыку за «зігаванне» і нацысцкую сімволіку

Міліцыя Грjдзенскай вобласці маніторыла Інтэрнэт і занепакоілася "нацызмам" сярод школьнікаў. Яны "зігуюць", слухаюць музыку Трэцяга…

25 красавіка 2025

У Гродне правялі беларуска-польскі форум для бізнесменаў. Гаварылі пра важнасць Расіі

Дыялогавая пляцоўка для бізнесменаў з Беларусі і Польшчы прайшла ў Гродне 25 красавіка. Мясцовыя ўлады…

25 красавіка 2025

«Будзе капаць на галовы» — што гродзенцы думаюць пра новыя кветкавыя аркі на Савецкай

Гродзенцы не ацанілі новыя канструкцыі для кветак на Савецкай. У красавіку на пешаходнай вуліцы ўсталявалі…

24 красавіка 2025

Студэнта з Гродна будуць судзіць за паведамленні ў «Беларускі Гаюн»

Тры злачынствы за "экстрэмізм" распачалі супраць падлеткаў у Гродзенскай вобласці ў 2024 годзе. У тым…

24 красавіка 2025