Навіны

Латушка: можна стварыць альтэрнатыўнае МЗС Беларусі за мяжой

Сябра прэзыдыюму Каардынацыйнай рады, былы дыплямат і міністар культуры Павал Латушка заявіў пра гатоўнасьць стварыць альтэрнатыўную структуру Міністэрства замежных спраў краіны за мяжой.

«Для мяне ніякай праблемай не зьяўляецца стварэньне паралельнага Міністэрства замежных спраў за мяжой. Сёньня заявілі аб адстаўцы яшчэ шэрагу дыпляматаў, так што без праблемаў можа быць сфармаванае паралельнае МЗС Беларусі», — сказаў ён ў інтэрвію тэлеканалу «Дождь», піша «Радыё С**бода».

Ён таксама падкрэсьліў, што Каардынацыйная рада працягвае працу, нягледзячы на тое, што некаторыя сябры яе прэзыдыюму знаходзяцца за мяжой ці затрыманыя.

«Мы ў сталым кантакце праз чаты, празь відэасувязь. Мы абмяркоўваем зараз антыкрызісную праграму, і ўжо ёсьць напрацоўкі, каб дакладна разумець, што краіна ня будзе кінутая ў хаос. Мы гатовыя ўзяць адказнасьць за кіраваньне краінай у пераходны пэрыяд да моманту абраньня новага кіраўніка дзяржавы», — дадаў ён.

Тыдзень таму Латушка паведамляў аб тым, што 30 беларусіх дыпламаў звольняць у бліжэйшыя дні з дыпламатычнай службы Беларусі. Да таго былі вызваленыя ад пасадаў амбасадары Беларусі ў Латвіі, Славакіі, Іспаніі.

Прычынамі звалненняў сталі, паводле яго, размяшчэнне супрацоўнікамі ў асабістых сацсетках сваёй грамадзянскай пазіцыі аб нязгодзе з фальсіфікацыяй выбараў і актамі гвалту ў дачыненні да мірных дэманстрантаў з боку супрацоўнікаў АМАПа, а таксама праз адмову фальсіфікаваць выбары.

У МЗС Беларусі інфармацыю каментаваць адмовіліся.

З 2002 да 2008 года Павал Латушка быў паслом Беларусі ў Польшчы. Пасля цягам трох гадоў узначальваў Міністэрства культуры Беларусі. Быў паслом у Францыі з 2012 па 2019 гады. Затым кіраваў Купалаўскім тэатрам, быў звольнены пасля таго, як асудзіў жорсткасць сілавікоў і заклікаў даць прававую ацэнку іх дзеянням. Пасля таго як Латушка увайшоў у Каардынацыйны савет, Аляксандр Лукашэнка заявіў, што экс-дырэктар Купалаўскага «перайшоў чырвоную лінію» і «адкажа па законе». Палітык быў вымушаны з’ехаць за мяжу. 16 верасня Аляксандр Лукашэнка пазбавіў дыпламатычнага рангу Надзвычайнага і Паўнамоцнага Пасла Паўла Латушку «ў сувязі са здзяйсненнем учынкаў, якія ганьбяць дзяржаўную (дыпламатычную) службу».

Падзяліцца

Апошнія запісы

У Гродне падаражэў праезд у гарадскім транспарце — і на прыгарадных маршрутах

З 5 красавіка ў Гродне талоны на праезд у гарадскім грамадскім транспарце даражэюць на 10…

4 красавіка 2025

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025