Фота: linkedin.com
Шэсць студэнтаў з пацверджанным тэстам на COVID-19 зарэгістравалі ў Гродзенскім дзяржаўным медыцынскім універсітэце. Групы заражаных сышлі на самаізаляцыю і дыстанцыйнае навучанне. На 17 верасня на ізаляцыі знаходзіліся 60 студэнтаў. Дыстанцыйнае навучанне для ўсіх студэнтаў ВНУ ўводзіць пакуль не плануюць, паведамілі Hrodna.life у адміністрацыі ўніверсітэта.
Шэсць студэнтаў, у якіх выявілі каранавірус, хварэюць практычна бессімптомна, але тэсты далі станоўчы вынік. Але ў маштабах ВНУ заражаных няшмат — усяго ва ўніверсітэце 4200 студэнтаў, у кожнай групе ў сярэднім 10 чалавек. Сярод выкладчыкаў пацверджаных тэстамі выпадкаў каранавіруса пакуль няма, распавялі Hrodna.life у адміністрацыі медуніверсітэта.
«Ніякіх навін датычна пераводу на дыстанцыйнае навучанне няма», — сказаў Hrodna.life студэнт Гродзенскага дзяржаўнага універсітэта імя Янкі Купалы. Атрымаць аператыўны каментар аб эпідэміялагічнай сітуацыі ў універсітэце ў прэс-службе Hrodna.life не ўдалося.
Сярод студэнтаў Гродзенскага дзяржаўнага аграрнага універсітэта ходзяць чуткі аб тым, што дыстанцыйнае навучанне з-за распаўсюджвання карванавіруса ўвядуць праз два тыдні. Афіцыйных распараджэнняў студэнтам пакуль не давалі.
— Мы працуем другі семестр з гэтым захворваннем. Вопыт напрацаваны і сістэма ўжо па большым рахунку адпрацаваная, — паведамілі ў адміністрацыі ўніверсітэта Hrodna.life.
У Гродзенскім філіяле Беларускага інстытута правазнаўства студэнты таксама не чулі аб пераводзе на дыстанцыйнае навучанне, паведаміў Hrodna.life адзін з навучэнцаў. Датэлефанавацца ў адміністрацыю інстытута Hrodna.life не ўдалося. У Instagram-акаўнце ВНУ студэнтаў з прыкметамі захворвання просяць заставацца дома. Ім абяцаюць, што пасля ізаляцыі не прыйдзецца платна адпрацоўваць лекцыйныя заняткі.
Увесну 2020 года ВНУ Гродна па-рознаму змагаліся з каранавірусам. У ГрДу ім. Янкі Купалы ўвялі дыстанцыйнае навучанне. Студэнтаў абавязалі здаваць летнюю сесію ў масках і пальчатках. У Гродзенскім дзяржаўным аграрным універсітэце выкарыстоўваліся элементы дыстанцыйнага навучання, частка студэнтаў сыходзіла на самаізаляцыю.
В университете им. Янки Купалы 20 случаев COVID-19. Сессия — в перчатках и масках
В ГрГУ им. Янки Купалы умер заведующий кафедрой. У него был COVID-19
На таргі выставілі ўчастак каля кальцавой развязкі праспекта Касманаўтаў і вуліцы Карскага. Згодна з прызначэннем…
Сэрвіс карт ад Google абнавіў спадарожнікавыя фатаграфіі Гродна. На іх можна ўбачыць найбуйнейшыя будоўлі горада,…
Гродзенка Вікторыя Талкоўская апублікавала TikTok, у якім папрасіла гараджан назваць самыя змрочныя месцы Гродна. За…
Плануецца, што ў кожным раёне з’явіцца па дзве новыя пляцоўкі для выгулу хатніх жывёл. Адпаведны…
Гродзенскі абласны суд прызнаў Ежы Грыгенчу вінаватым паводле чатырох крымінальных артыкулаў. Яму прызначылі шэсць гадоў…
Блогер з Гродна Аляксей Саўко з ростам у 136 см апублікаваў фота ў футболцы “Команда…