Навіны

«Як раз’юшаны статак лямантуюць на ўвесь горад дэманскія выкрыкі». Ігумення Гаўрыіла з Гродна выказалася пра пратэстоўцаў

17 верасня ў Мінск-Арэне прайшоў праўладны жаночы форум «За Беларусь». На ім на сцэне выступіла з прамовай ігумення Гаўрыіла з Свята-раства-Багародзіцкага жаночага манастыра ў Гродне. Яна выказала сваё меркаванне пра пратэстоўцаў.

«Мы бачым натоўп вар’ятаў, якіх шкада, за якіх хочацца маліцца, перад якімі хочацца стаць на калені і прасіць: спыніцеся!», — такімі словамі пачала сваю прамову ігумення Гаўрыіла.

«Пад асцервянелыя гукі аўтамабільных клаксонаў з венесуэльскіх рэвалюцыйных сцэнарыяў у руках і на плячах, на галаве, і нават, прашу прабачэння, на заднім месцы прымацаваўшы чужы, але нібыта свой нацыянальны бел-чырвона-белы сцяг як раз’юшаны статак лямантуюць на ўвесь горад дэманскія выкрыкі».

Пасля гэтых слоў уся зала апладзіравала.

«Дзе ж тады іх патрыатычнасць, калі яны свой сімвал нясуць непрыгодна, і пад гэтым сімвалам крычаць праклёны другім і абяцаюць ніколі не прабачыць? Ці можна зневажаць так свой сімвал?
І з сапраўдным сімвалам нашы беларусы ішлі на смерць, абараняючы сваю радзіму для нас, каб цяпер жылі пад мірным небам. Бо любое слова бумерангам вяртаецца назад, праклінаючы іншых, мы самі клянем сябе, сваіх дзяцей, родных і блізкіх.

Мне страшна сказаць, але крыкі «каб ты здох» — гэта праклён. І той, хто гэта крычыць, паверце, не праклінае тых, каму жадае, а саміх сябе. Вар’яты! Пачуйце нас! Спыніцеся!

Тое, што мы жадаем іншым, вяртаецца з падвоенай сілай, калі мы жадаем дабро, дабро вернецца да нас, а калі ж у парыве гневу мы выпраменьваем зло, гэта зло вернецца да нас".

Таксама ігумення Гаўрыіла перадала словы мітрапаліта Філарэта. Яна заязджала да яго перад форумам у санаторый «Азёрны». «Ён прасіў перадаць: беражыце сваю Радзіму, беражыце Беларусь, любіце яе».

Апошнія запісы

На могілках у Гродне з’явілася пліта расійскага салдата, які ваяваў супраць Украіны

Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…

23 красавіка 2025

Як будзе выглядаць стогадовы дом у стылі канструктывізму на Міцкевіча пасля перабудовы: праект

Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…

23 красавіка 2025

У Гродне можна зрабіць здымак райка вока — паслуга падабаецца парам

Макраздымак райка (рус. - радужки) вока можна зрабіць у Гродне на вул. Будзённага. Закаханым прапануюць…

23 красавіка 2025

У Беларусі распрацуюць экскурсію па храмах і могілках Воранаўшчыны

У Нацыянальным агенцтве па турызме прапануюць распрацаваць экскурсію "Па святынях Воранаўшчыны". Аўтар зможа зарабіць 2820…

23 красавіка 2025

Дом быту ў Гродне прадалі на аўкцыёне з пятай спробы

Раней Дом быту на Замкавай, 4 спрабавалі прадаць ужо чатыры разы. У час аўкцыёну, які…

22 красавіка 2025

У гродзенскіх гатэлях амаль не засталося месцаў на травеньскія святы

У Threads беларус Дзяніс выказаў здзіўленне наконт таго, што ў гасцініцах і гатэлях Гродна ўсе…

22 красавіка 2025