Навіны

А1 кампенсуе абанентам адключэнні інтэрнэту па патрабаванням дзяржорганаў. Каму і як менавіта

А1 кампенсуе сваім абанентам адключэнні мабільнага інтэрнэту ў Мінску 23, 26 і 30 жніўня, звязаныя з патрабаваннем дзяржаўных органаў. Агульны час перабояў у працы сэрвісу склаў 6 гадзін 16 хвілін. Кампенсацыю ў выглядзе бясплатнага трафіку, званкоў або зніжкі па абаненцкай плаце атрымаюць і фізічныя, і юрыдычныя асобы.

Раней кліентам кампаніі ўжо карэктавалі абаненцкую плату за трое сутак з 9 па 11 жніўня праз недаступнасць інтэрнэт-сэрвісаў па незалежных ад кампаніі прычынах.

Чарговая кампенсацыя звязана з абмежаваннямі ў працы мабільнага інтэрнэту, якія ўводзіліся па патрабаваннях дзяржаўных органаў у сетках усіх аператараў у Мінску тры разы ў жніўні 2020 года, — распавялі ў прэс-службе кампаніі. — Кампенсацыі будуць прызначаныя ўсім катэгорыям абанентаў А1, якіх закранула праблема недаступнасці сэрвісаў у названы перыяд, у выглядзе дадатковага бясплатнага інтэрнэт-трафіку, або бясплатных хвілін званкоў ва ўсе сеткі, або 50% зніжкі ад штодзённай абаненцкай платы".

Кампенсацыі налічаць паводле алгарытма:

  1. Фізічныя асобы — абаненты мабільнай сувязі - з тарыфамі, дзе ў абаненцкую плату менш за 15,00 руб. на месяц уваходзіць інтэрнэт-трафік, атрымаюць як кампенсацыю пакет бясплатных 500 МВ інтэрнэт-трафіку на 30 дзён карыстання
  1. Фізічныя асобы — абаненты мабільнай сувязі - з тарыфамі, дзе ў абаненцкую плату больш за 15,00 руб. на месяц уваходзіць інтэрнэт-трафік, атрымаюць як кампенсацыю пакет 1 ГБ бясплатнага інтэрнэт-трафіку на 30 дзён карыстання
  1. Фізічныя асобы — абаненты мабільнага інтэрнэту, якія карыстаюцца платнымі інтэрнэт-пакетамі/тарыфамі, у якія ўключаны толькі інтэрнэт-трафік, незалежна ад аб’ёма і хуткасці, атрымаюць кампенсацыю ў памеры 50% ад штодзённай абаненцкай платы за пакет/інтэрнэт-тарыф
  1. Фізічныя асобы — абаненты тарыфнага плана «Без Ліміту» - атрымаюць як кампенсацыю пакет 50 бясплатных хвілін званкоў ва ўсе сеткі на 30 дзён карыстання
  1. Юрыдычныя асобы — абаненты мабільнай сувязі - атрымаюць кампенсацыю на тарыфных планах з уключаным трафікам ад 500 МБ да 9 ГБ у памеры 30% штодзённай абаненцкай платы за адзін дзень адсутнасці сэрвісу; на тарыфных планах з уключаным трафікам ад 10 ГБ — у памеры 50% штодзённай абаненцкай платы за адзін дзень адсутнасці сэрвісу; абаненты мабільнага інтэрнэту з тарыфамі/платнымі інтэрнэт-пакетамі, у абаненцкую плату/кошт якіх уключаны толькі інтэрнэт-трафік, незалежна ад аб’ёму і хуткасці - у памеры 100% ад штодзённай абаненцкай платы/кошту пакета за адзін дзень адсутнасці сэрвісу.

Поўны спіс тарыфных планаў і паслуг, па якім дадуць кампенсацыю, ёсць на сайце кампаніі.

Карэкціроўкі абаненцкіх плат фізічным асобам правядуць цягам 10 каляндарных дзен, аб чым абанентаў апавесцяць праз SMS.

У кампаніі дадалі, што кампенсацыі праводзяцца кожны месяц, у якім фіксуюцца пагаршэнне якасці сэрвісу або часовая недаступнасць у сувязі з патрабаваннямі дзяржавы.

Падзяліцца

Апошнія запісы

На могілках у Гродне з’явілася пліта расійскага салдата, які ваяваў супраць Украіны

Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…

23 красавіка 2025

Як будзе выглядаць стогадовы дом у стылі канструктывізму на Міцкевіча пасля перабудовы: праект

Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…

23 красавіка 2025

У Гродне можна зрабіць здымак райка вока — паслуга падабаецца парам

Макраздымак райка (рус. - радужки) вока можна зрабіць у Гродне на вул. Будзённага. Закаханым прапануюць…

23 красавіка 2025

У Беларусі распрацуюць экскурсію па храмах і могілках Воранаўшчыны

У Нацыянальным агенцтве па турызме прапануюць распрацаваць экскурсію "Па святынях Воранаўшчыны". Аўтар зможа зарабіць 2820…

23 красавіка 2025

Дом быту ў Гродне прадалі на аўкцыёне з пятай спробы

Раней Дом быту на Замкавай, 4 спрабавалі прадаць ужо чатыры разы. У час аўкцыёну, які…

22 красавіка 2025

У гродзенскіх гатэлях амаль не засталося месцаў на травеньскія святы

У Threads беларус Дзяніс выказаў здзіўленне наконт таго, што ў гасцініцах і гатэлях Гродна ўсе…

22 красавіка 2025