Гродзенцаў запрашаюць на міжнародны адукацыйны дыджытал-праект «Вымяраючы гета»

У суправаджэнні гісторыкаў, мультыплікатараў грамадзянскай супольнасці і экспертаў інфармацыйных тэхналогіяў студэнты і старэйшыя школьнікі з Беларусі, Украіны і Малдовы прымуць удзел у шэрагу семінараў па гісторыі гета ў сваіх гарадах, а затым індывідуальна альбо ў групах распрацуюць уласныя мікра-праекты ў фармаце фота, відэа альбо інтэрв'ю. Вынікі будуць прадстаўленыя на адмыслова створанай платформе, у школах і іншых навучальных установах.

Шляхам рознапланавага даследвання габрэйскіх гета ўдзельнікі праекта пазнаёмяцца са станам габрэйскіх супольнасцяў Гродна, Чарнаўцоў і Кішынёва ў перыяд з 1941 па 1944 гадоў. З дапамогай інавацыйных лічбавых тэхналогій удзельнікі паспрабуюць зафіксаваць сляды існавання гетта ў сваіх гарадах, а таксама знайсці адказы на пытанні:

  • Дзе менавіта было гета?
  • Якой была ягоная арганізацыйная структура і як у ім працякала жыццё?
  • Якую каштоўную інфармацыю ўтрымліваюць асабістыя дакументы і сведчанні відавочцаў?
  • Што зараз нагадвае пра гета і якія ўстановы займаюцца захаваннем гістарычная памяці пра габрэйскае мінулае ў названых гарадах?

Удзельнікі праекта навучацца ствараць кантэнт, які чапляе аўдыторыю, прыдумваць унікальную канцэпцыю міні-праекта і прэзентаваць сваю работу так, каб яна дакладна засталася заўважанай. За актыўны ўдзел у праекце ўдзельнікі атрымаюць сертыфікаты.

План праекта

  • Лакальныя семінары-адкрыцці (3 дні, верасень-кастрычнік 2020)
  • Мікра-праекты і мясцовыя семінары (кастрычнік-лістапад 2020)
  • Віртуальны абмен досведам паміж удзельнікамі з іншых гарадоў (6 онлайн-сустрэчаў)
  • Віртуальны трохбаковы семінар (3 дні, лістапад-снежань 2020)
  • Прэзентацыі праекта ў школах і іншых навучальных установах (снежань 2020)

Падача заяўкі і адбор

Да 10 верасня 2020 г. неабходна даслаць матывацыйны ліст (максімум 3000 знакаў) на электронныя адрасы кіраўнікоў праекта:

Матывацыйны ліст павінен утрымліваць прычыны, па якіх вы жадаеце прыняць удзел у праекце, інфармацыю пра тое, дзе вы вучыцеся/вучыліся і што вывучаеце/вывучалі. Пасля разгляду заявак адабраныя ўдзельнікі атрымаюць адпаведны ліст.

Праект Інстытута нямецкай культуры і гісторыі Паўднёва-Усходняй Еўропы ўніверсітэта Людвіга Максіміліяна г. Мюнхен, Музея гісторыі і культуры габрэяў Букавіны (Чарнаўцы), Чарнавіцкага нацыянальнага ўніверсітэта імя Юрыя Фядзьковіча, Дзяржаўнага ўніверсітэта Малдовы (Кішынёў) і ГА «Цэнтр інфармацыйнай падтрымкі грамадзянскіх ініцыятываў «Трэці Сектар» (Гродна).

Пры падтрымцы Федэральнага міністэрства замежных спраў Германіі

Праграма «Развііцё супрацоўніцтва з грамадзянскімі супольнасцямі ў краінах Усходняга партнёрства і ў Расіі» #CivilSocietyCooperation

Падзяліцца

Апошнія запісы

На могілках у Гродне з’явілася пліта расійскага салдата, які ваяваў супраць Украіны

Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…

23 красавіка 2025

Як будзе выглядаць стогадовы дом у стылі канструктывізму на Міцкевіча пасля перабудовы: праект

Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…

23 красавіка 2025

У Гродне можна зрабіць здымак райка вока — паслуга падабаецца парам

Макраздымак райка (рус. - радужки) вока можна зрабіць у Гродне на вул. Будзённага. Закаханым прапануюць…

23 красавіка 2025

У Беларусі распрацуюць экскурсію па храмах і могілках Воранаўшчыны

У Нацыянальным агенцтве па турызме прапануюць распрацаваць экскурсію "Па святынях Воранаўшчыны". Аўтар зможа зарабіць 2820…

23 красавіка 2025

Дом быту ў Гродне прадалі на аўкцыёне з пятай спробы

Раней Дом быту на Замкавай, 4 спрабавалі прадаць ужо чатыры разы. У час аўкцыёну, які…

22 красавіка 2025

У гродзенскіх гатэлях амаль не засталося месцаў на травеньскія святы

У Threads беларус Дзяніс выказаў здзіўленне наконт таго, што ў гасцініцах і гатэлях Гродна ўсе…

22 красавіка 2025