Зварот Лукашэнкі да гродзенцаў 22 жніўня транслявалі на фоне пейзажу з Нёманам Каложскай царквой. Высветлілася, што аўтар фатаграфіі не даваў дазволу на яе выкарыстанне.
Раніцай 23 жніўня гродзенскі фатограф Сяргей Марозаў напісаў на сваёй старонцы ў Facebook: «Магчыма, я памыляюся і нехта зрабіў неверагодна падобны на мой здымак з таго ж ракурсу, у той жа дзень і апрацаваў яго „пад мяне“. Таму што ў іншым выпадку з аўтарскімі правамі ў нашай краіне ўсё дрэнна…»
Фатограф расказаў, што здымак быў зроблены сёлета і ў яго захаваўся арыгінал. Праўда, пасля кансультацыі з юрыстам, Сяргей вырашыў «не звязвацца» з аднаўленнем сваіх правоў на здымак.
«Ужо былі ў Беларусі прэцэдэнты, у тым ліку і ў маёй практыцы, па якіх можна судзіць — гэта будзе проста страта часу і грошай», — пракаментаваў Марозаў. У доказ ён успомніў гісторыю з фатаграфіяй паўночнага ззяння, выкарыстаную Беларускім тэлебачаннем без дазволу аўтара, Антона Матолькі.
Што тычыцца стаўлення Сяргея Марозава да таго, што адбываецца ў горадзе, то ён яго выказаў яшчэ 13 жніўня, пасля масавых збіванняў гродзенцаў АМАПам. Свае ўзнагародныя граматы ад сілавых структур фатограф выкінуў у смецце.
Гродзенец Павел Юшкевіч, які жыве ў Торуні, атрымаў польскае грамадзянства па рашэнні Куяўска-Паморскага ваяводы. Раней…
Штогод у Гродзенскай вобласці выяўляюць больш за 6 тысяч анкалагічных захворванняў. Па стане на 2025…
Гродзенскі прадпрымальнік Артур Рымша выпусціў кліп на песню "Дзве сястры" - у ёй мужчына спявае…
"Лідскае піва" памяняла фармат тары для брэнда KORONET Lager. Прычына ў адсутнасці патрэбнай тары -…
Гродзенскі рок-гурт 8sonca запісаў трэці музычны альбом. Музыкі прысвяцілі яго каханню і ўнутраным перажыванням. Рэліз…
Валанцёры грамадскай арганізацыі "Адданае сэрца" просяць гродзенцаў дапамагчы з мэбляй. У домік для катоў, які…