Каманда гарадзенскіх валанцёраў BYCOVID19 распачынае кампанію падтрымкі і дапамогі пацярпелым падчас мірных акцый пратэстаў. Калі Вы пацярпелі ў мірных акцыях і шукаеце патрымку, мы дапаможам знайсці юрыста, псіхолага, лекара ці іншую неабходную дапамогу. Калі Вы самі хочаце дапамагчы пацярпелым гарадзенцам — далучайцеся да нашай кампаніі. Таксама мы збіраем інфармацыю пра выпадкі гвалту з боку АМАПа і міліцыянтаў у адносінах да гарадзенцаў: заклікаем не маўчаць і расказваць пра гэта нам.
Мы пачынаем збор сродкаў на дапамогу гарадзенцам, якія пацярпелі ад гвалту сілавых структур на мірных акцыях пратэстаў супраць фальсіфікацыі вынікаў выбараў.
Паколькі збор сродкаў праз інтэрнэт пляцоўкі дзяржава абмежавала, пункт збору сродкаў і штаб размесціцца ў памяшканні Цэнтра гарадскога жыцця (вул. Кірава, 3, другі паверх). Калі ў Вас узнікнуць пытанні адносна таго, як Вы можаце дапамагчы кампаніі, то просім непасрэдна звяртацца да адмінаў нашай суполкі ў Тэлеграме.
Вельмі важна цяпер сабраць максімальную інфармацыю пра тых, хто пацярпеў і якая дапамога ім неабходная (медычная, юрыдычная, псіхалагічная). Паведаміць і звярнуцца за дапамогай можна праз наш тэлеграм ці па тэлефоне +37 529 2 663 803 альбо па пошце harodnia.help@gmail.com.
Таксама гэта можна зрабіць, прыйшоўшы ў Цэнтр гарадскога жыцця, дзе зранку да вечара Вас будуць чакаць нашыя валанцёры, гатовыя аказаць Вам любую дапамогу, пракансультаваць альбо скаардынаваць Вас.
Калі Вы ведаеце тых, хто пацярпеў, просім дзяліцца інфармацыяй і кантактамі гэтых людзей, каб мы маглі з імі звязацца і аказаць дапамогу.
Заклікаем людзей, у першыю чаргу нашых медыкаў, бізнес і ўсіх тых, хто жадае і хоча дапамагчы, але пакуль не ведае як, таксама праінфармаваць пра гэта. Наяўнасць інфармацыі дапаможа хутка, арганізавана і эфектыўна аказваць дапамогу пацярпелым.
Кампанія BY HELP запусціла збор, накіраваны на выдачу адначасовай матэрыяльнай дапамогі кожнаму пацярпеламу. Заяўку на дапамогу можна падаць па спасылцы.
Таксама нас чакаюць яшчэ шматлікія мірныя акцыі, якія праходзяць пад гарачым сонцам, таму звяртаем Вашую ўвагу на тое, што на іх трэба браць з сабой галаўны ўбор, ваду і мінімальны набор лекаў (нашатырна спірт, валідол, бінт і антысептык). Гэта дазволіць Вам альбо таму хто побач аказаць першую медычную дапамогу. Падвозьце ваду ўдзельнікам мірных акцый, якія гадзінамі стаяць пад сонцам. Акрамя гэтага, калі няма магчымасці развозіць ваду, яе заўсёды можна прывезці на Кірава 3, а нашыя валанцёры зоймуцца гэтым.
Просім максімальна пашырыць гэтую інфармацыю па Вашых сябрах і знаёмых, суполках і г. д.
Кантакты для сувязі з намі:
Тэлефон: +37 529 2 663 803
Пошта: harodnia.help@gmail.com
Месца: Цэнтр гарадскога жыцця Гродна (вул. Кірава, 3, другі паверх)
Беларусы — унікальны прыклад салідарнасці, дзякуючы якой нас ведае і паважае ўвесь свет!
І толькі разам пераможам!
Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…
На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…
Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…
Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…
Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…
Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…