Больш за 300 жанчын з кветкамі сталі ў жывы ланцуг па абодва бакі дарогі ў раёне аўтавакзала. Многія з іх — у белым. Усе — з кветкамі. Організатаркі распавялі Hrodna.life, што выйшлі па прыкладу менскіх дзяўчат, каб падтрымаць затрыманых пасля выбараў. Колькасць удзельніц пастаянна расце.
Збірала жанчын Ліза. Менш чым за гадзіну ў групу дадалося больш за 700 удзельніц. Сярод іх мастачка Дар’я Темра.
Ліза кажа, што мэта мірнай акцыі - паказаць салідарнасць гродзенцаў і гродзенак. «Апошняй кропляй для мяне стала затрыманне Руслана Кулевіч, якога я вельмі люблю».
Задержали журналиста Hrodna.life Руслана Кулевича и его жену: ОМОН силой вытащил их из магазина
Акцыя пачалася, а 13:45 і працягвалася больш за 2 гадзіны. «Спачатку дзяўчат было каля 50, праз гадзіну — больш за сотню, на 15.30 — ужо больш за 300 чалавек.
«Будзем стаяць, колькі атрымаецца» — кажа Ліза.
У чаце ўдзельніцы пішуць, што едуць і хутка далучацца да групы.
«Главное, мирно, девочки!»
«Девочки, вы моя гордость! мечтаю быть рядом, но дочку не с кем оставить! спасибо вам за это, у меня слезы!!!».
«Девочки! Никуда не уходим! Мы ничего не нарушаем! Стоим мирно, тихо, спокойно, ничего не кричим, только добро и любовь».
Жыхары суседніх дамоў прыносяць жанчынам ваду, машыны сігналяць, праязджаючы міма іх. Незнаёмы мужчына прынёс шмат кветак і раздаў новым удзельніцам жывога ланцуга. Мінакі таксама купляюць кветкі, раздаюць дзяўчатам і далучаюцца ланцуга. Іншыя асуджаюць і спрачаюцца.
16.30: Чытачы пішуць, што ланцуг на аўтавакзале расцягнулася амаль да кінатэатра Усход.
Журналістка Hrodna.Life паведаміла, што міліцыя ўжо некалькі разоў папярэджвала аб адказнасці за несанкцыянаванае мерапрыемства і заклікала разысьціся.
Наша чытачка перадае: «Цяпер ўвесь аўтобус лаяўся з бабуляй, якая даказвала, што ўсе бандыты, якія хочуць вайны. Яе заткнуў нейкі дзядуля словамі: «Бабуля, вы маску надзеньце, а то АМАП ваш любімы вас зараз запакуе».
Каля 17.15 у Гродне на праспекце Касманаўтаў міліцыя спрабавала затрымаць мужчыну. Жанчыны адбілі яго. Ён змог уцячы.
