Мария Колесникова рядом с участком для голосования. Фото: Надежда Вишневская
Прадстаўнічка аб’яднаных штабоў Ціханоўскай, Бабарыкі і Цапкалы Марыя Калеснікава прагаласавала на ўчастку ў гімназіі № 42 у Мінску. Яна пагутарыла з прэсай, у тым ліку з журналісткай Hrodna.life.
Першыя пытанні тычыліся затрымання Калеснікавай вечарам 8 жніўня. Каля 22.40 яе затрымалі на выхадзе са штаба і сілай пасадзілі ў мікрааўтобус. Ужо праз 20 хвілін яе адпусцілі, сказаўшы, што, нібыта, пераблыталі яе з іншым чалавекам.
«Мяне даставілі [на вячэру — рэд.] пад гром апладысментаў людзей, якія бачылі мяне ў гэтым мікрааўтобусе. Вечар прайшоў выдатна», — распавяла пра інцыдэнт, усміхаючыся, Марыя Калеснікава. Яна не ведае, ці было яе затрыманне выпадковым, але адзначае, што супрацоўнікі органаў паводзілі сябе карэктна.
Калеснікава выказалася і пра затрыманні давераных асоб Святланы Ціханоўскай, якія прайшлі 6−8 жніўня ў розных гарадах Беларусі.
«Гэта оказывание ціску на людзей, якія пойдуць на ўчасткі, і на нас у тым ліку. Але інструменты запалохвання не працуюць», — лічыць Марыя.
«Сёння свята, сёння вырашаецца будучыня Беларусі», — сказала Марыя на ўчастку. Каментаваць надзвычай высокую яўку на датэрміновым галасаванні яна не стала. Да 12.00 прагаласавала, паводле афіцыйных дадзеных, больш за 50% выбаршчыкаў - ЦВК лічыць, што выбары адбыліся. «Давайце дачакаемся афіцыйных і альтэрнатыўных вынікаў. Пратаколы яшчэ не падпісаныя», — сказала Калеснікава.
Аб планах на вечар 9 жніўня Калеснікава не расказала. Супрацоўнікі штаба, якія былі з ёй, патлумачылі, што ў 22.00 будзе ўключэнне з прэс-цэнтра штаба, падчас якога яны ўсё раскажуць.
«Кожны грамадзянін Рэспублікі Беларусь у праве рабіць тое, што лічыць патрэбным для абароны сваіх галасоў. Мы не заклікаем выходзіць на вуліцу, мы заклікаем карыстацца рабочымі законнымі інструментамі. Але ў кожнага грамадзяніна ёсць права вырашаць, як ён правядзе сённяшні вечар», — адказала Hrodna.life Калеснікава на пытанне пра заклікі ў тэлеграм-каналах збірацца ўвечары ў цэнтры Мінска. Сама яна затрымання не баіцца: «Я кожны вечар шпацырую па горадзе і не баюся затрымання».
Гродзенскія пункты выдачы заказаў Wildberries і Ozon аказаліся перапоўнены падарункамі для жывёл. Гэта вынік Таемнага…
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…