Навіны

У Гродне двух веласіпедыстаў асудзілі за прабег: аднаму далі суткі, іншаму штраф

У судзе Ленінскага раёна Гродна 7 жніўня прайшоў адміністрацыйны працэс у дачыненні да веласіпедыстаў Сяргея Нікуліна і Яўгена Пякуцькі. Іх абвінавацілі ва ўдзеле ў несанкцыянаваным масавым мерапрыемстве 14 ліпеня з дапамогай ровараў.

Гродзенцаў затрымалі 15 ліпеня на Савецкай плошчы, калі яны мянялі кола на ровары. У гэты ж дзень веласіпедыстаў адпусцілі. Міліцыя канфіскавала ў іх ровары і мабільныя тэлефоны. Праз некалькі дзён на гродзенцаў склалі пратаколы за 14 ліпеня па арт. 23.34 КаАП (Парушэнне парадку арганізацыі або правядзення масавых мерапрыемстваў).

Што менавіта рабілі веласіпедысты 14 ліпеня?

Нікулін і Пякуцька 14 ліпеня ехалі ў складзе калоны веласіпедыстаў па цэнтры Гродна. На думку супрацоўнікаў міліцыі яны былі ўдзельнікамі масавага мерапрыемства. На судзе сведкам выступіў супрацоўнік РАУС Ленінскага раёна Вадзім Налівайка. Абвінавачаныя сваёй віны не прызналі і распавялі, што проста каталіся па горадзе, калі ў цэнтры горада праходзіла акцыя салідарнасці.

Затрыманне Сяргея Нікуліна. Фота: Руслан Кулевіч
Затрыманне Яўгена Пякутькі. Фота: Руслан Кулевіч
У блакітнай кашулі сведка правапарушэння — прадстаўнік РАУС Ленінскага раёна Вадзім Налівайка. Фота: Руслан Кулевіч

Судзьдзя Руслан Гурын прызнаў Нікуліна і Пякуцьку вінаватымі і асудзіў першага на 5 сутак арышту, другога — на штраф 15 базавых велічыняў (405 рублёў). Ровары і мабільныя тэлефоны ім аддадуць пасля ўступлення ў сілу рашэння суда.

«У судзе мы відэа глядзелі. Там відаць, што з нашага боку нічога супрацьзаконнага не было, — распавёў Hrodna.life Яўген Пякуцька. — Ехалі без сімволікі і крыкаў. У цэнтры да нас на сустрэчу выехаў натоўп веласіпедыстаў. Такім чынам усіх можна прыцягнуць да адказнасці».

Што кажа праваабаронца?

Гродзенскі праваабаронца цэнтру «Вясна» Уладзімір Хільмановіч лічыць рашэнне суда абсурдным і палітычна матываваным.

«Хлопцы ў той дзень ехалі без сімволікі і нейкіх выкрыкаў. Іх віну ва ўдзеле ў несанкцыянаванай акцыі ў судзе не даказалі. З такімі тэмпамі хутка і пешаходаў будуць судзіць», — сказаў Hrodna.life праваабаронца.

Чытайце таксама: «Машину вернуть, флаги уничтожить». В Гродно осудили Владимира Родченко

Падзяліцца

Апошнія запісы

«Будзе капаць на галовы» — што гродзенцы думаюць пра новыя кветкавыя аркі на Савецкай

Гродзенцы не ацанілі новыя канструкцыі для кветак на Савецкай. У красавіку на пешаходнай вуліцы ўсталявалі…

24 красавіка 2025

Студэнта з Гродна будуць судзіць за паведамленні ў «Беларускі Гаюн»

Тры злачынствы за "экстрэмізм" распачалі супраць падлеткаў у Гродзенскай вобласці ў 2024 годзе. У тым…

24 красавіка 2025

Цэгла са слядамі пальцаў, найстарэйшая свідравіна Гродна і двор для мерапрыемстваў. Якім стане комплекс былога піўзавода Brovar Hrodna

«Такіх месцаў і ў свеце не так многа, а ў Беларусі нічога падобнага проста няма», —…

24 красавіка 2025

На могілках у Гродне з’явілася пліта расійскага салдата, які ваяваў супраць Украіны

Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…

23 красавіка 2025

Як будзе выглядаць стогадовы дом у стылі канструктывізму на Міцкевіча пасля перабудовы: праект

Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…

23 красавіка 2025

У Гродне можна зрабіць здымак райка вока — паслуга падабаецца парам

Макраздымак райка (рус. - радужки) вока можна зрабіць у Гродне на вул. Будзённага. Закаханым прапануюць…

23 красавіка 2025