Першы блок Беларускай АЭС плануецца поўнасцю ўвесці ў прамысловую эксплуатацыю ў I квартале 2021 года. Аб гэтым расказаў міністр энергетыкі Віктар Каранкевіч у інтэрв'ю газеце «СБ. Беларусь сегодня», паведамляе БЕЛТА.
«Па ўсіх тэхналагічным сістэмах завяршаюцца пусканаладачныя працы, неабходныя для пачатку фізічнага пуску першага энергаблока. У рамках гэтага этапу ў рэактар паступова загрузяць 163 цеплавыдзяляльныя зборкі з ядзерным палівам з наступным наборам магутнасці рэактарнай устаноўкі. Пасля гэтага пачнецца энергетычны пуск энергаблока: будуць выпрацаваныя і перададзеныя ў энергасістэму краіны першыя кілават-гадзіны з атамнай электрастанцыі, — распавёў Віктар Каранкевіч. — За гэтым рушаць услед доследна-прамысловая эксплуатацыя з паступовым выхадам на праектную магутнасць і комплекснае апрабаванне першага энергаблока на намінальнай магутнасці. Цалкам у прамысловую эксплуатацыю яго плануецца ўвесці ў першым квартале 2021 года».
У Беларусі будуюць высокаманеўраныя пікава-рэзервовыя крыніцы сумарнай магутнасцю 800 МВт і электракатлы на буйных электрастанцыях і кацельняў сумарнай магутнасцю 916 МВт. Пабудавалі і рэканструявалі 1,7 тыс. км высакавольтных ліній электраперадачы, што дасць магчымасць забяспечыць пастаўку электраэнергіі са станцыі ў любы рэгіён краіны.
Міністр звярнуў увагу, што запуск атамнай электрастанцыі дазволіць замяшчаць 4,5 млрд куб. м прыроднага газу ў год. «З улікам таго, што краіна штогод імпартуе каля 20 млрд куб. м газу, эканомія істотная» — - заўважыў Віктар Каранкевіч. Запуск АЭС дасць магчымасць знізіць выкіды парніковых газаў больш чым на 7 млн т у год.
