Новости

За суткі ў Беларусі каранавірусам заразіліся 118 чалавек. У Расіі прайшлі выпрабаванні вакцыны ад COVID-19 на добраахвотніках

У Беларусі на 20 ліпеня зарэгістраваныя 66 213 (+118) чалавек са станоўчым тэстам на COVID-19. Ачунялі 58 290 (+86) пацыентаў, памерлі - 503 (+4) чалавека, паведамляе Міністэрства аховы здароўя.

Усяго праведзена 1 199 317 тэстаў.

20 ліпеня з вайсковага шпіталя імя Бурдэнкі выпісалі апошнюю групу добраахвотнікаў, якія ўдзельнічалі ў клінічных выпрабаваннях вакцыны ад каранавіруса, паведаміў начальнік 48 ЦНДІ войскаў РХБ абароны Узброеных Сіл РФ чалец-карэспандэнт Расейскай акадэміі навук, доктар біялагічных навук, прафесар, палкоўнік медыцынскай службы Сяргей Барысевіч у інтэрв'ю газеце «Красная звезда», піша T*T.BY.

У складзе групы было 20 чалавек. Ім ўводзілі вакцыну, сумесна распрацаваную Міністэрствам абароны і Нацыянальным даследчым цэнтрам эпідэміялогіі і мікрабіялогіі імя Н. Ф. Гамалеі.

«Перад навукоўцамі яшчэ велізарны пласт аналітычнай працы, складанне выніковых справаздач, прадстаўленне вынікаў, дзяржаўная рэгістрацыя вакцынавага прэпарата. Але ўжо цяпер наяўныя дадзеныя аналізаў пацвярджаюць, што ў выніку вакцынацыі ў добраахвотнікаў выяўлены неабходныя антыцелы да каранавірусу, а кампаненты вакцыны бяспечныя і добра пераносныя чалавекам», — падвёў вынікі клінічных выпрабаванняў Барысевіч.

Ён таксама паведаміў, што антыцелы, якія даюць арганізму імунітэт да каранавірусу, захаваюцца пасля ўвядзення вакцыны надоўга. «Магчымасці платформы, на якой да гэтага былі распрацаваны дзве вакцыны супраць ліхаманкі Эбола і вакцына супраць блізкаўсходняга рэспіраторнага сіндрому, дазволяць доўга падтрымліваць ахоўны цітр, выпрацоўваемы пасля імунізацыі», — сказаў Барысевіч.

У ходзе даследаванняў была выкарыстаная метадалогія колькаснай ацэнкі ўзбуджальніка, якая была распрацавана ў 48 ЦНДІ, удакладніў начальнік Інстытута. Таксама медыкі выкарыстоўвалі лабараторную мадэль, якая дазволіла прайграць праходжанне захворвання для ацэнкі ахоўнай эфектыўнасці лекаў.

Клінічныя выпрабаванні на добраахвотніках у шпіталі імя Бурдэнкі пачаліся 18 чэрвеня. Першая група, якой ўвялі вакцыну, складалася з 18 чалавек. Другой групе ўвялі прэпарат праз некалькі дзён, пасля таго як вынікі першых клінічных выпрабаванняў дазволілі працягнуць даследаванні.

У канцы чэрвеня добраахвотнікі паведамлялі, што адчуваюць сябе добра, ніякіх пабочных з’яў або ускладненняў выяўлена не было.

Хроніка каранавіруса ў Гродне


Падзяліцца

Апошнія запісы

На Ласасянцы з’явяцца масткі і пляж. Там будзе парк адпачынку на Фолюшы

У мікрараёне Фолюш у Гродне ўзвядуць парк адпачынку. Яго хочуць зрабіць камфортным для моладзі і…

29 красавіка 2025

У цэнтры Гродна закрылася крама спорттавараў, якая працавала больш за 30 гадоў

Гродзенцы звярнулі ўвагу, што з будынка па вуліцы Ажэшкі, 42 знікла шыльда «Спорттавары». Instagram-акаўнт крамы…

28 красавіка 2025

Фільм на кітайскай раскажа пра Гродна і яго «інвестыцыйную прывабнасць»

Іміджавы фільм аб інвестыцыйнай прывабнасці Гродна задумалі ў гарвыканкаме. На яго выдаткуюць бюджэтныя грошы. Відэа…

28 красавіка 2025

У Гродне з’явіўся амерыканскі дэсерт — печыва з рознымі начыннямі

У Гродне пачалі прадаваць «крамбл кукіс» — амерыканскае печыва з рознымі дадаткамі і салодкімі топінгамі.…

28 красавіка 2025

Назву гурта Dzieciuki і яго сацсеткі прызналі «экстрэмісцкімі». Падобна, што «экстрэмісцкай» стала і першая беларускамоўная газета

Сацсеткі панк-гурта з Гродна Dzieciukі і сам гэты надпіс у Беларусі прызналі "экстрэмісцкімі матэрыяламі". Паводле фармулёўкі…

27 красавіка 2025

Нерухомасць тыдня: у Гродне прадаюць дом з ажурным балконам за 60 метраў ад Нёмана

У Гродне на продаж выставілі дом на 2-м Падольным завулку - па суседстве з рэстаранам…

26 красавіка 2025