Скаргу Ежы Грыгенчы абласны суд не задаволіў - яго пасадзяць на дзесяць сутак, але не зараз

Гродзенскі абласны суд не задаволіў скаргу Ежы Грыгенчы на рашэнне суда Ленінскага раёна, які прысудзіў яму дзесяць сутак адміністрацыйнага арышту за ўдзел у «Ланцугу салідарнасці», паведамляе harodniaspring.org.

13 ліпеня суддзя Ларыса Барэль прысудзіла Ежы Грыгенчу 10 сутак адміністрацыйнага арышту за ўдзел у несанкцыянаваным мерапрыемстве ў Гродне. Пад арышт Грыгенчу дагэтуль не ўзялі, спасылаючыся на адсутнасць дакументаў.

Скаргу 20 ліпеня ў Гродзенскім абласным судзе разглядаў суддзя Валерый Раманоўскі. Ён зачытаў асноўныя пункты скаргі, выслухаў дапаўненні Грыгенчы, які даводзіў, што яго судзілі па «фальшывым» пратаколе, які нікім з міліцыянтаў не падпісаны. Раманоўскі не задаволіў скаргу.

Гродзенскія праваабаронцы перакананыя, што справа Грыгенчы мае характар палітычнага пераследу. А адбываць арышт Грыгенчу не бяруць зараз, бо хочуць яго пасадзіць на дзесяць сутак падчас папярэдняга галасавання і ў дзень выбараў. «Гэта робіцца для таго, каб пазбавіць Грыгенчу як актыўнага выкрывальніка парушэнняў выбарчага заканадаўства магчымасці весці назіраннне за працэсам галасавання», — паведамілі яны.

У Гродне 19 чэрвеня, а 19:00 пачалася акцыя салідарнасці са зняволенымі. Людзі расцягнуліся ланцугом ад Дома Мураўёва на Савецкай плошчы да філармоніі. Машыны, што праязджалі міма, актыўна сігналілі. Агулам ў ланцугу стаяла блізу 600 чалавек, затрымалі і ўжо вызвалілі аднаго чалавека.

Ежы Грыгенча — сябра Аб’яднанай грамадзянскай партыі, сябра ініцыятыўнай групы Ганны Канапацкай. У 2019 годзе за ўдзел у несанкцыянаваным масавым мерапрыемстве (арт.23.34) яго судзілі за ўдзел у акцыі супраць інтэграцыі Беларусі з Расіяй, у 2017 — за ўдзел у Маршах недармаедаў.

Анна Канопацкая приехала в Гродно поддержать в суде активиста

Падзяліцца

Апошнія запісы

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025

У Гродна прыйшоў новы трэнд — ранішнія рэйвы ў кавярнях

Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…

31 сакавіка 2025