«Гэта мой подарунак гораду». У центры Гродна з’явілася вулічнае піяніна

11 ліпеня на вуліцы Савецкай ля кавярні «Джезва» усталявалі «вулічнае піяніна». Сыграць на музычным інструменце можа любы ахвотны.

Піяніна ў цэнтры горада з’явілася дзякуючы вулічнаму музыканту Аляксандру Зіміну. Ён хоча, каб «вулічных піяніна» у Гродне стала яшчэ больш, а ідэя стала гарадскім праектам. Першы музычны інструмент ён усталяваў на летняй пляцоўцы кавярні «Джезва». Гэта ўласнае піяніна музыканта.

Чытай таксама: Перед открытием Биг-мини фестиваля в центре Гродно появилось «городское пианино»

«Мой праект называецца „вулічныя піяніна Гродна“. Гэта такі падарунак гораду. У планах ўсталяваць некалькі інструментаў у цэнтры, хочацца яго зрабіць больш прывабным для турыстаў і гараджан», — распавёў Hrodna.life Аляксандр.

Чытайце таксама: Вулічны музыкант Аляксандр Зімін здзівіў ігрой на фартэпіяна (не ўсе ведалі)

Другое піяніна музыка хоча ўсталяваць на тэрыторыі чыгуначнага вакзалу. Зараз Зімін вядзе перамовы з Міністэрствам транспарту і кіраўніцтвам вакзала ў Гродне.

Вулічны музыкант Аляксандр Зімін вядомы ў горадзе ігрою на хэндпане. З гэтым інструментам ён выступае на Савецкай ужо некалькі гадоў. Падчас пандэміі Аляксандр уладкаваўся дворнікам у дзіцячую бальніцу.

У многіх гарадах Еўропы ўстаноўлены вулічныя піяніна, дзе можа іграць кожны ахвотны.

Напрыклад, у Санкт-Пецярбургу таксама ёсць некалькі грамадскіх піяніна. Днём і ноччу пецярбужцы ладзілі фартэпіянныя канцэрты і танцы ў стылі бугі-вугі. Некаторыя жыхары былі незадаволеныя выступамі і адзін з інструментаў залілі цэментам.