5 000 чалавек у Гродзенскай вобласці звярнуліся да Цапкалы, каб пацвердзіць подпіс

На раніцу 8 ліпеня 5 000 чалавек у Гродзенскай вобласці звярнуліся да Валерыя Цапкалы, каб вярнуць свой подпіс за яго ў камісіі. Усяго да яго звярнуліся 42 000 чалавек.

Усяго звярнулася:

• Па Беларусі - 42 189;
• Мінск — 17 044;
• Брэсцкая вобласць — 3 636;
• Віцебская вобласць — 2 607;
• Гомельская вобласць — 2 932;
• Гродзенская вобласць — 5 471;
• Мінская вобласць — 7 650;
• Магілёўская вобласць — 2 849.

У штабе Цапкала сабралі 212 000 подпісаў. 160 000 подпісаў перадалі ў выбарчыя камісіі. У камісіях прызналі 75 000 подпісаў. Гэтага недастаткова, каб Валерыя Цапкалу зарэгістравалі кандыдатам у прэзідэнты. Пасля гэтага ён заявіў, што «будзе змагацца за кожны подпіс».

Гродненцы пишут заявления о признании их подписей за претендентов. Штаб Цепкало: «Подадим жалобу в суд»

Комиссия Ленинского района Гродно не признала ни одной подписи за Валерия Цепкало

 — Мы гатовыя і поўныя рашучасці абараняць кожны аддадзены вамі подпіс. Нашай камандай распрацаваны выразны алгарытм, з дапамогай якога вы можаце верыфікаваць ваш подпіс, пацвердзіць, што вы ёсць, даказаць сабе і ўсёй краіне, што нас на самай справе вельмі-вельмі шмат! — паведамляюць у штабе.

Выбаршчыкам прапануюць запоўніць форму на старонцы або адправіць інфармацыю з дапамогай Telegram-бота. Далей ім паведамяць, ці быў подпіс прыняты або забракаваны. Калі подпіс быў прызнаны несапраўдным, штаб перадасць інструкцыю для далейшых дзеянняў.

Каго зарэгістравалі кандыдатам у прэзідэнты Беларусі, стане вядома 14 ліпеня. З 14 ліпеня да 8 жніўня будзе праходзіць агітацыя. 9 жніўня пройдуць выбары прэзідэнта.