Літва з ліпеня зноў уводзіць візавы збор 60 еўра для грамадзян Беларусі, піша DELFI. Гэта датычыцm выдачы нацыянальных віз катэгорыі D.
Урад 22 чэрвеня вырашыў зноў спаганяць консульскі збор з грамадзян Беларусі за разгляд хадайніцтва аб выдачы нацыянальнай візы. Збор будзе брацца са зніжкай у 50% (60 еўра — кошт з улікам гэтай зніжкі). Такое рашэнне звязана з тым, што беларусы ўжываюць такую ж зніжку да грамадзян Літвы, растлумачыў міністр замежных спраў Літвы Лінас Лінкявічус. З 2011 года такі збор наогул не спаганяўся.
Беларусь пагадзілася з рашэннем Літвы, але пажадала, каб новы парадак ўступіў у сілу разам з дамовай з ЕС аб спрошчаным парадку выдачы візаў, то значыць з 1 ліпеня, піша T*T.BY.
У гэтай пастанове гаворка ідзе не пра «шэнгене» (віза катэгорыі С), а пра нацыянальную візу (катэгорыя D).
Шэнгенская віза для беларусаў з 1 ліпеня будзе каштаваць не 80, а 35 еўра.
З 2011 года збор за нацыянальную візу Літвы з беларусаў наогул не спаганяўся. Але ў Беларусі збор з грамадзян Літвы, якія жадаюць атрымаць беларускую нацыянальную візу, увесь гэты час дзейнічаў.
Паводле звестак МЗС Літвы, з 2011 па 2019 год грамадзянам Беларусі было выдадзена 44 тыс. 966 нацыянальных віз, і за гэты час не спагнаны консульскі збор склаў больш за 2,6 млн еўра.
Шэнгенская віза з’яўляецца кароткатэрміновай і дазваляе знаходзіцца ў адной або некалькіх краінах Шэнгенскага пагаднення да 90 дзён на працягу 6 месяцаў.
Іншаземец жа, які мае нацыянальную візу, можа прыбыць у Літву і знаходзіцца ў ёй звыш 3 месяцаў, але не больш за 12 месяцаў.
Нацыянальная віза можа быць аднаразовай і шматразовай. Аднаразовая нацыянальная віза выдаецца замежнаму грамадзяніну, у якога ёсць дазвол на часовае пражыванне або від на жыхарства ў Літве. Шматразовая нацыянальная віза часцей за ўсё выдаецца замежным грамадзянам, якія прыязджаюць у Літву для працы, вучобы, навуковых даследаванняў, законнай дзейнасці. Усе падставы, на якіх можа быць выдадзена гэтая віза, пералічаныя на сайце Департамента міграцыі Літвы.
Нацыянальная віза выдаецца не больш чым на 1 год.
Грамадзянам іншых дзяржаў, якія маюць нацыянальную візу Літвы, дазволена перамяшчацца па ўсёй тэрыторыі Шэнгена на працягу трох месяцаў кожныя паўгода.
Але варта памятаць, што канчатковае рашэнне аб перасячэнні мяжы прымаецца памежнай службай. Пры гэтым асаблівая ўвага надаецца мэце паездкі, захаванню правіл уезду і наяўнасці фінансавых сродкаў.
Гіды і экскурсаводы ў Беларусі цяпер павінны ведаць асновы дзяржаўнай ідэалогіі. Такое патрабаванне з'явілася ў…
Айцец Андрэй Крот з Гродна быў у дэлегацыі беларускіх святароў, якая сустрэлася з новым пантыфікам.…
Фатаграфія кабінкі для перапранання на пляжы ў Ласосна патрапіла ў рэдакцыю Hrodna.life. Драўляныя балкі ў…
Псіхолага і дырэктарку ліквідаванага Гродзенскага дзіцячага хоспісу Вольгу Вялічку выключылі са спісу дэлегатаў Каардынацыйнай Рады…
Мужчына вяртае ў гняздо буслам птушаня, якое выпала, - такое відэа ў апошні тыдзень набірае…
Гарадскі выпускны пройдзе 13 чэрвеня на Савецкай плошчы. Запланавана ўрачыстае шэсце і выступленні беларускіх артыстаў.…