Новости

У Беларусі за суткі зафіксавалі 464 новыя выпадкі каранавіруса — і 6 смерцяў. З чым звязаны цяжкія формы

На 23 чэрвеня ў Беларусі каранавірус з пачатку распаўсюджвання пацвердзілі ў 59 487 чалавек, інфармуе Міністэрства аховы здароўя. Ачунялі і выпісаныя 38 688 пацыентаў, 357 чалавек з дыягнаставаны раней COVID-19 памерлі.

За апошнія суткі ў Беларусі выявілі 464 новыя выпадкі хваробы, паводле афіцыйных звестак памерлі 6 чалавек, 765 пацыентаў выпісалі. Суткавы прырост новых выпадкаў падае з 5 чэрвеня, з гэтага ж часу павялічыўся прырост смерцяў паводле афіцыйных дадзеных (з 4−5 за суткі да 6).

З пачатку распаўсюджвання каранавіруса ў Беларусі правялі 886 248 тэстаў. За апошнія суткі зрабілі 9609 тэстаў, з іх былі станоўчымі 4,8%. Краіна спраўляецца з эпідэміяй, калі колькасць станоўчых тэстаў у дзень не больш за 3%, тлумачыў раней літоўскі прафесар Саўлюс Чаплінскас.

Цяжкую форму звязалі з рызыкай арытміі

Цяжкую форму каранавіруснай інфекцыі звязалі з падвышанай рызыкай арытміі. Навукоўцы выявілі незвычайную тэндэнцыю — пацыенты з самымі цяжкімі формамі COVID-19 значна часцей за астатніх пацыентаў пакутавалі ад арытміі і прыпыненняў сэрца. Даследчыкі прыйшлі да высновы, што пры трапленні ў рэанімацыю верагоднасць таго, што ў пацыентаў з’явяцца праблемы з сэрцам, павышалася прыкладна ў дзесяць разоў, піша ТАСС са спасылкай на артыкул у навуковым часопісе Heart Rhythm.

Практычна з першых дзён пасля пачатку ўспышкі каранавіруса навукоўцы ведаюць, што ён закранае клеткі не толькі ў лёгкіх, але і ў іншых тканках цела. Гэтая асаблівасць, як мяркуюць зараз навукоўцы, можа тлумачыць, чаму многія хворыя COVID-19 пакутуюць не толькі на парушэнні ў рабоце органаў дыхання, але і страчваюць нюх, а таксама адчуваюць праблемы з страваваннем і збоі ў працы крывяноснай сістэмы.

Вінаватыя несардэчныя прычыны

Навукоўцы не знайшлі сур’ёзных адрозненняў у стане самой сардэчнай тканкі ў хворых з той і іншай групы. Гэта можа казаць аб тым, што праблемы з сэрцам былі звязаныя не з пранікненнем SARS-CoV-2 у яго цягліцавыя клеткі, а з тым, як вірус ўплывае на працу імунітэту.

«Нашы вынікі паказваюць, што несардэчныя прычыны, такія як сістэмная інфекцыя, запаленне і захворванне, хутчэй за ўсё, будуць спрыяць узнікненню спынення сэрца і арытміі больш, чым пашкоджаныя або інфікаваныя клеткі сэрца з-за віруснай інфекцыі», — тлумачыць Раджат Дэа, адзін з аўтараў даследавання, дацэнт Пенсільванскага ўніверсітэта (ЗША).

Хроніка каранавіруса ў Гродне

Падзяліцца

Апошнія запісы

Гродзенец знайшоў рэдкія здымкі горада часоў Першай сусветнай вайны

Гродзенскі краязнаўца Аляксандр Перагудаў знайшоў у расійскіх фондах шэраг малавядомых здымкаў Гродна часоў Першай сусветнай…

8 мая 2025

Праўладны Telegram-канал сцвярджае, што ў Гродне няма праблем з бульбай. Гараджане абурыліся

У траўні беларусы сталі актыўна абмяркоўваць знікненне бульбы з паліц у крамах. Звярнулі ўвагу і…

7 мая 2025

У Беларусі скарачаецца насельніцтва, у Гродне і Лідзе — расце

Гарадское і сельскае насельніцтва Беларусі скарачаецца. Згодна з Белстатам, у Гродне і Лідзе сітуацыя выглядае…

7 мая 2025

На сцэну да 9 траўня ў Гродне выдаткуюць $ 4000

Сцэнічны комплекс на святкаванне Дня Перамогі ў Гродне 9 траўня абыйдзецца гарадскому бюджэту ў 12…

7 мая 2025

У Гродне апраўдалі падлетка, абвінавачанага ў распіванні алкаголю

Непаўналетняга падлетка з Гродзенскага раёна спрабавалі прыцягнуць да адміністрацыйнай адказнасці за распіццё алкаголю ў грамадскім…

6 мая 2025

Гродзенскі салон прыгажосці запусціў праект — падтрымліваюць мам дзяцей з інваліднасцю

Салон прыгажосці Mateo запусціў праект «Незвычайная маці». Паўдзельнічаць у ім могуць жанчыны, якія выхоўваюць дзяцей…

6 мая 2025