«ВелаГродна» прадставіла карту з пяццю маршрутамі для паездкі на адзін дзень па Гродзенскім раёне. Маршруты гродзенскія раварысты «накаталі» за апошнія два гады.

Гэта падказка ад «ВелаГродна» для аматараў актыўнага адпачынку, у якім кірунку пракаціцца недалёка ад Гродна.

Усяго на карце 5 маршрутаў: два — недалёка ад горада, тры — у ваколіцах Парэчча і Азёраў. Усе маршруты разлічаны на аднадзённыя паездкі.

У асноўным яны пракладзены па-за ажыўленымі трасамі.

«Карта рыхтавалася паўгода. На працягу двух апошніх гадоў апрабавалі ўсе маршруты на пакатушках. Усе яны пракладзены ў асноўным па дарогах з малым трафікам, па лясах заказніка Азёры і паўночна-заходняй частцы горада. Некаторыя маршруты ў раёне Парэчча разлічаны на тое, што вяртацца можна цягніком. Альбо туды раніцай на цягніку, а назад на ровары. Таксама на карце пазначаны славутасці, якія можна будзе наведаць на маршрутах», — распавёў актывіст «ВелаГродна» Андрэй Шавель.


Чытайце таксама: От разбитых коленок до 100 километров в день. Как сесть на велосипед после 30 и познакомиться с окрестностями Гродно на покатушках


На картах ёсць QR-коды, па якіх можна спампаваць маршруты для смартфонаў. Таму «ВелаГродна» раіць узяць з сабой у паездку тэлефон з навігатарам.

Карта распаўсюджваецца бясплатна. Атрымаць яе можна ў офісе «ВелаГродна», папярэдне дамовіўшыся пра сустрэчу па тэлефоне з прадстаўніком арганізацыі (+375 29 261−01−69 Юліта).


В рамках реализации проекта «Развитие городского велосипедного движения в интересах общественности Республики Беларусь», финансируемого Европейским союзом и реализуемого учреждением «Центр экологических решений» совместно с общественным объединением «Минское велосипедное общество».

Рэпарцёр, фатограф, краязнаўца. Самы хуткі журналіст Гродна на ровары. Руслана і яго ровар ведаюць многія гараджане: ад чыноўнікаў да бамжоў. Падчас службы ў войску быў разведчыкам, а цяпер даказвае, што выведнік былым не бывае. Працуе ў Hrodna.life з 2013 года, калі сайт яшчэ працаваў пад брэндам «Твой стыль». У канцы 2018 выдаў кнігу «Горад адзін, успаміны розныя», дзе сабраў успаміны гродзенцаў пра 1930−40-я гады.