Навіны

«Тытул прыцягне ўвагу да праблем». Гродзенка прадставіць Беларусь на конкурсе прыгажосці для замужніх жанчын

Лана Глумакова з Гродна паўдзельнічае ў конкурсе прыгажосці для замужніх жанчын Mrs Globe, які адбудзецца ў лістападзе 2020 года ў Кітаі. Шоў праводзіцца з 1996 года і сёлета збярэ прадстаўніц 70 краін. У дзень фіналу конкурс будуць трансляваць на ўвесь свет. Для ўдзелу ў конкурсе важныя не толькі знешнасць, але і актыўная жыццёвая пазіцыя. У 2017 годзе іншая гродзенка, Святлана Кузняцова, змагла заваяваць галоўны прыз у гэтым конкурсе.

Як стаць Mrs Globe ў сваёй краіне?

Заяўкі на ўдзел у Mrs Globe падаюць самі жанчыны. Іх разглядае аргкамітэт конкурсу. Затым яны праходзяць сумоўе і кастынг у Нацыянальнага дырэктара. Крытэрыі для ўдзелу ў Mrs Globe вельмі простыя. Трэба быць замужам, пажадана мець дзяцей, валодаць актыўнай жыццёвай пазіцыяй, займацца дабрачыннасцю. Важныя знешнія дадзеныя.

«Лана Глумакова ідэальна адпавядае ўсім гэтым крытэрам. Я, як нацыянальны дырэктар і прадстаўнік гэтага конкурсу на тэрыторыі Беларусі, праводзіла сумоўе. Мы сустракаліся, размаўлялі на англійскай аб ёй, аб яе сям'і, аб яе праектах. У мяне не ўзнікла ні адной сумневы наконт яе кандыдатуры. Яна годная прадстаўніца нашай краіны, — распавяла Hrodna.Life Святлана Кузняцова, Нацыянальны дырэктар конкурсу прыгажосці, якая стала яго пераможцай у 2017 годзе.

На розных этапах конкурсу ўдзельніцы павінны прадэманстраваць нацыянальны касцюм, купальнік, вячэрнюю сукенку, адказаць на пытанні журы. На працягу 10 конкурсных дзён выступіць з прамовай аб сабе і краіне, прадставіць відэафільм аб сабе і краіне, паўдзельнічаць у творчым нумары і прадэманстраваць талент. Таксама трэба падрыхтаваць падарункі іншым удзельніцам. Акрамя рэпетыцый, запланаваныя дабрачынныя акцыі, фотасесіі і шмат іншых актыўнасцяў.

Што трэба падрыхтаваць для конкурсу?

Уборы Лане прадаставіць Мінскі салон вячэрніх сукенак Sensation. Гэта першы афіцыйны прадстаўнік У Беларусі брэндаў Terani Couture, Sherri Hill, Tarik Ediz, Yusupova Couture, Tony Bowls. Усе сукенкі ў салоне прадстаўлены ў адзіным экзэмпляры.

У сукенках брэнда Tony Bowls выступалі дзяўчыны на Miss USA і Miss Teen USA pageants. Гэта афіцыйны дызайнер Miss America’s Outstanding Teen Pageant і спонсар вячэрніх нарадаў для дзяўчат, якія прымалі ўдзел у конкурсе Miss America-2015.

Над нацыянальным касцюмам Для Ланы працуе дызайнер Юлія Латушкіна, якая распрацавала хакейную форму для каманды Прэзідэнта Рэспублікі Беларусь і форму для «II Еўрапейскіх гульняў».

Навошта ісці на конкурс?

Лана Глумакова — заснавальніца рэкламнага агенцтва «На Ура» і салона «Honey Day» ў Гродне. Ёй 38 гадоў. Замужам, выхоўвае дваіх сыноў 11 і 15 гадоў. З анкеты дзяўчыны можна даведацца, што яе рост — 180 см, хобі - напісанне вершаў, а guilty pleasure (таемная прыхільнасць) — сукенкі. Фіналістка конкурсу Місіс Свету Беларусь 2018.

Таксама яна суарганізатар дабрачыннага праекта «Хвалі Дабрыні». У 2019 годзе пацыенты Гродзенскага дзіцячага хоспіса імя святога Губерта малявалі разам з мастакамі і дыпламатамі карціны, якія пазней прадалі на дабрачынным аўкцыёне. На выручаныя сродкі - 11 289 рублей — набылі абсталяванне для пацыентаў хоспіса.

Самы дарагі лот быў набыты за 2100 рублёў. Усе палотны былі прададзеныя. Пакупнікі ж, як гэта бывае на падобных мерапрыемствах, папрасілі не называць сваіх імёнаў. Маўляў, галоўнае, што ўсе атрыманыя грошы паступяць на рахунак хоспіса, пісаў T*T.BY.

Лана хоча прыцягнуць увагу да праблем дзіцячай анкалогіі і невылечных хвароб. Тытул Mrs Belarus Globe дапаможа ў гэтым, перакананая дзяўчына.

Пакуль вядомыя дзве кандыдаткі на Mrs Globe — з Беларусі і Казахстана. Гэта звязана з тым, што адборачныя туры ў краінах перанеслі на канец лета і восень з-за пандэміі. Таму ацаніць прэтэндэнтак Лана пакуль не можа.

Падзяліцца

Апошнія запісы

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025

У Гродна прыйшоў новы трэнд — ранішнія рэйвы ў кавярнях

Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…

31 сакавіка 2025