Наведвальнікаў з хатнімі жывёламі рады бачыць у новай кавярні «Крепкий Черный». Яна адкрылася ў гандлёвым цэнтры Kazzarma Mall на вуліцы Шчорса, 11а. Установа пазіцыянуе сябе як «Pets friendly».
Уладальнікі кажуць, што для горада гэта новы фармат кавярні. Яны спецыяльна вырашылі адкрыцца ў жылым мікрараёне.
«Цэнтр горада ўжо перанасычаны добрымі кавярнямі і мы выбраліся за рамкі, — адзначае адзін з уласнікаў Аляксей Трэгубаў, які раней працаваў барыста ў „Нашай каве“. — Мы адрозніваемся яшчэ тым, што працуем з веганскі ухілам, а сёння ў Гродне такіх устаноў амаль няма».
Аляксей сам не есць мяса ўжо некалькі гадоў. Практыкуе здаровы лад жыцця і бег басанож.
«Я стараюся свае ідэі несці ў масы, зараз спрабуем гэта рабіць і праз кавярню. У нас таксама дзейнічае паслуга „Pets friendly“ — гэта азначае, што наведвальнік можа прыйсці да нас з любой жывёлай і гэта не абавязкова сабакі. Мы ўсім радыя».
Для жывёл ва ўстанове ёсць спецыяльныя міскі. Дызайн кавярні распрацавала каманда, якая працавала над ўстановамі ў цэнтры Гродна: «Наша кава» і «Справа».
«Мы прапануем новы падыход да кліента. Кавярня пачынае працаваць з 7:30 раніцы. Многія ідуць на працу або вучобу і могуць забегчы да нас. У меню кава, смузі, гарбата і аўтарскія дэсерты. Кава наша брэндаваная — пад сваім лагатыпам. Гэта той жа „Single Step“ [беларускі брэнд свежаабсмажанай кавы, з якімі працуюць многія кавярні ў Гродне — рэд.], але ён абсмажваецца спецыяльна пад нас», — дадаў Аляксей.
Кавярня «Крепкий Черный» разлічана на 20 наведвальнікаў.
Адрас: Шчорса, 11а
Час працы:
ПН-ЧЦ- 7:30 — 22:00
ПТ-НД -10:00 -23:00
Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…
На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…
Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…
Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…
Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…
Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…
