Фота: pixabay.com
У першым квартале гэтага года ў параўнанні з аналагічным перыядам 2019-га зафіксаваны рост продажаў спіртных напояў. Пра гэта паведамляе Сяргей Ігумнаў, доктар медыцынскіх навук, прафесар кафедры клінічнай і кансультатыўнай псіхалогіі БДПУ ім. М. Танка, доктар псіхіятр-нарколаг вышэйшай катэгорыі, перадае агенцтва «Мінск-Навіны».
— На мой погляд, гэта можна растлумачыць павышаным узроўнем трывожнасці насельніцтва з-за пандэміі каранавіруса. Маштабнасць праблемы, навізна небяспекі і яе недастатковая падкантрольнасць — усе гэтыя фактары адбіліся на тым, што грамадзяне, у тым ліку тыя, якія ў звычайным стане ўжываюць алкаголю мала, сталі шукаць у ім суцяшэнне, — кажа Сяргей Ігумнаў.
Паводле слоў спецыяліста, у нашай культуры спіртныя напоі традыцыйна разглядаюцца як стрэс-пратэктары.
— Аднак спробы здымаць стрэсы такім чынам могуць прыводзіць да алкагольных зрываў, — падкрэсліў Ігумнаў. — А ў людзей, якія знаходзяцца ў дэпрэсіі, спіртное ўзмацняе хваравіты стан і зніжае антысуіцыдальны бар’ер.
Паводле афіцыйных звестак Міністэрства аховы здароўя, па стане на 11 лютага ў Беларусі пацверджана 263 551 выпадак каранавіруса (1692 за апошнія суткі), ачунялі і выпісаны 252 068 (1990 за апошнія суткі) пацыентаў, памёрлі 1820 чалавек (9 за апошнія суткі).
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…