eparhia.by
З 20 красавіка 63-гадовы архіепіскап Навагрудскі і Слонімскі Гурый знаходзіўся ў бальніцы Слоніма з пнеўманіяй. Яго шпіталізавалі пасля велікоднай службы. Праз два дні ў бальніцу з манастыра і Мінскай семінарыі ў Жыровічах забралі 41 чалавека, з іх 23 — семінарысты. На выхадных святара выпісалі, і арцыбіскуп запісаў відэа з падзякамі тым, хто маліўся за яго здароўе.
Гурый знаходзіцца на самаізаляцыі. У пачатку відэазвароту ён павіншаваў усіх вернікаў са святам Вялікадня.
— Я дзякую ўсім, хто маліўся пра мяне грэшнага, брацію святога манастыра Жыровіцкай, студэнтаў, выкладчыкаў Мінскай духоўнай семінарыі. Дзякую таксама і за дапамогу, якую вы аказваеце тым, хто жыве ў нястачы, у прыватнасці падчас каранціну братам, студэнтам і выкладчыкам. <…> Асаблівая падзяка ўрачам, якія сёння знаходзяцца на перадавой. Як некалі ваяры абаранялі нашу айчыну, так яны сёння ваююць з нябачным ворагам — каранавірусам. Яны сёння на перадавой. Царква моліцца, каб Гасподзь захаваў іх, прымудрыў іх, даў ім здароўе, даў радасць ўнутраную духоўную. Бог вам у дапамогу, захоўвай вас Гасподзь. Сардэчна дзякуем вам за тую працу, якую вы вядзеце, — сказаў ён і заклікаў усіх вернікаў аказваць пасільную дапамогу і малітвай, і сваімі сціплымі магчымасцямі медыкам, якія працуюць і рызыкуюць дзеля нас.
На самаізаляцыі пасля лячэння 9 мая Гурый здзейсніў падзячны малебен аб дараванні перамогі і памінальную літургію аб загінуўшых у Вялікай Айчыннай вайне, паведамляе eparhia.by.
У інтэрвью, размешчаным на сайце епархіі 29 красавіка, арцыбіскуп адзначаў, што каранавірус агаліў немачы духоўныя.
«Хрысціянамі называем сябе, але паводзім сябе не па-хрысціянску. Храм — гэта Дом Божы. Тут Сілы Нябесныя нябачна служаць. Тут ласка Духа Святога, цудатворныя святыні. Мы ж падчас небяспекі паспадзяваліся толькі на антысептык, павязкі, а некаторыя святары нават сталі лыжыцу на Святой Камуніі ў спірт абмакваюць. Такога вось сапраўды гісторыя хрысціянства не ведала. Праз каранавірус Гасподзь паказаў нашу малавернасць і маладушнасць. Дарэчы, працуюць рынкі і супермаркеты, але заразіцца чамусьці можна толькі ў царкве», — сказаў Гурый.
Гродзенскі краязнаўца Аляксандр Перагудаў знайшоў у расійскіх фондах шэраг малавядомых здымкаў Гродна часоў Першай сусветнай…
У траўні беларусы сталі актыўна абмяркоўваць знікненне бульбы з паліц у крамах. Звярнулі ўвагу і…
Гарадское і сельскае насельніцтва Беларусі скарачаецца. Згодна з Белстатам, у Гродне і Лідзе сітуацыя выглядае…
Сцэнічны комплекс на святкаванне Дня Перамогі ў Гродне 9 траўня абыйдзецца гарадскому бюджэту ў 12…
Непаўналетняга падлетка з Гродзенскага раёна спрабавалі прыцягнуць да адміністрацыйнай адказнасці за распіццё алкаголю ў грамадскім…
Салон прыгажосці Mateo запусціў праект «Незвычайная маці». Паўдзельнічаць у ім могуць жанчыны, якія выхоўваюць дзяцей…