У Беларусі пацверджаныя 12 208 выпадкаў каранавіруса. Што кажуць даследнікі пра смяротнасць

На 28 красавіка ў Беларусі пацверджана 12 208 выпадкаў каранавіруса, паведамляе Міністэрства аховы здароўя. За ўвесь перыяд распаўсюджвання інфекцыі на тэрыторыі краіны ачунялі і выпісаныя 1993 пацыенты, 79 чалавек памерлі.

Колькасць новых выяўленых выпадкаў працягвае расці. Так, прырост за апошнія суткі склаў 919 выпадкаў - гэта чарговы «рэкорд». За суткі памерлі 4 чалавекі, 253 ачунялі.

Паводле звестак Міністэрства аховы здароўя, за ўвесь перыяд праведзена 161 028 тэстаў, колькасць чалавек з станоўчым тэстам складае 7,5% ад агульнай колькасці.

Даследчыкі: звесткі аб смяротнасці заніжаныя

© FT мантаж; AFP / Getty

Смяротнасць ад COVID-19 у свеце значна перавышае афіцыйныя дадзеныя, лічаць даследчыкі з міжнароднага дзелавога выдання Financial times. Аўтары супаставілі смяротнасць у 14 краінах за перыяд з пачатку ўспышкі каранавіруса са смяротнасцю ў тых жа краінах у тыя ж месяцы за 2015−2019 гг. Выявілася, што за час ўспышкі хваробы ў 2020 годзе там памерла на 122 000 чалавек (прыблізна на 50%!) больш, чым у папярэднія гады за той жа перыяд. Паводле афіцыйнай статыстыкі на момант аналізу ў гэтых краінах было зарэгістравана 77 000 смерцяў.

Аўтары прыйшлі да высновы, што ў названых краінах колькасць смерцяў ад каранавіруса заніжаная. Гэта тычыцца і краін, якія развіваюцца, і развітых. У эквадорскай правінцыі Гуаяс з 1 сакавіка па 15 красавіка было зарэгістравана ўсяго 245 афіцыйных выпадкаў смерці, звязаных з Covid-19, але ўсяго ў гэты перыяд памерла прыкладна на 10 200 чалавек больш, чым у папярэднія гады (на 350% больш). У Вялікабрытаніі, да прыкладу, афіцыйныя лічбы заніжаныя, бо штодня ўлічвалі толькі тых, пацыентаў, хто памёр у бальніцах. Эксперты папярэджваюць пра сур’ёзнае заніжэнне смяротнасці ў дамах састарэлых, дзе не праводзілася сістэматычнае тэставанне жыхароў і персаналу.

Даследчыкі дапускаюць, што частка гэтых смерцяў можа быць звязаная з іншымі прычынамі, гэтак жа магло паўплываць пазбяганне людзьмі медустаноў падчас пандэміі або немагчымасць атрымаць дапамогу праз перагружанасць. Але залішняя смяротнасць узрасла найбольш рэзка ў месцах з самымі моцнымі выбухамі COVID-19. Гэта кажа пра тое, што большасць такіх «лішніх» смерцяў наўпрост звязаная з вірусам.

У Беларусі з пачатку красавіка фіксуюць ад 2 да 5 новых смерцяў ад COVID-19 на суткі (часцей за ўсё па 3).

Хроніка каранавіруса ў Гродне

Падзяліцца

Апошнія запісы

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025

У Гродна прыйшоў новы трэнд — ранішнія рэйвы ў кавярнях

Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…

31 сакавіка 2025