На 20 красавіка ў Гродзенскай вобласці зарэгістравалі 176 выпадкаў каранавіруса. Гэта па-ранейшаму менш, чым у іншых рэгіёнах.
Па дадзеных на панядзелак 20 красавіка зарэгістравана 6264 станоўчых тэсту на COVID-19: у Брэсцкай вобласці — 185, Віцебскай — 1504, Гомельскай — 322, Гродзенскай — 176, Мінскай — 789, Магілёўскай — 265, Мінску — 3023, паведамляе Міністэрства аховы здароўя.
Апошні раз лічбы па Гродзенскай вобласці абнаўлялі 17 красавіка. Тады было 79 выпадкаў. За тры дні хворых стала больш у 2,2 разы.
