Навіны

У Беларусі скасавалі абмежаванне на рост цэнаў - акрамя спісу сацыяльна значных тавараў

Савет міністраў Беларусі 17 красавіка датэрмінова спыніў дзеянне пастановы ад 30 сакавіка № 184 «Аб часовых мерах па стабілізацыі сытуацыі на спажывецкім рынку». Раней было забаронена павышаць цэны больш як на 0,5% за месяц. Прычынай адмены назвалі стабілізацыю цэнавай сытуацыі.

Згодна з пастановай № 184 асобным міністэрствам і ведамствам даручалася не дапускаць росту адпускных цэн або тарыфаў на тавары і паслугі, што выпускаюцца ці аказваюцца падпарадкаванымі арганізацыямі, вышэй як на 0,5% штомесяц. Таксама нельга было дапускаць павышэння цэнаў або тарыфаў вышэй як на 0,5% штомесяц юрыдычным асобам усіх формаў уласнасці і ІП, якія вырабляюць, увозяць або прадаюць тавары, аказваюць паслугі на ўнутраным рынку. Павышэнне цэнаў вышэй за ўстаноўленую мяжу дапускалася толькі пасля ўзгаднення з камісіяй па пытаннях дзяржаўнага рэгулявання цэнаўтварэння пры ўрадзе.

Пастанова павінна была дзейнічаць да 30 чэрвеня, аднак дзелавая супольнасьць выступіла катэгарычна супраць паўсюднага кантролю за цэнамі, піша «Радыё С**бода». Такую ж пазіцыю заняла і Рада па развіцці прадпрымальніцтва — кансультатыўны орган пры прэзідэнце. На думку Рады, з улікам высокага імпартнага складніка ў структуры выдаткаў айчынных прадпрыемстваў паўсюдны кантроль цэнаў «справакуе адмову ад выпуску асобных відаў тавараў у сувязі з эканамічнай немэтазгоднасцю іх вытворчасці». Пасля рэзкага падзення цэн на нафту ў першай дэкадзе сакавіка беларускі рубель значна аслабеў да долара, у выніку імпарт пачаў даражэць. Гэта паставіла пад пагрозу выкананне гадавога плану па інфляцыі (ня больш за 5%).

Апошнім часам сітуацыя на валютным рынку крыху стабілізавалася, курс долара знізіўся.

Цяпер на працягу 90 дзён будуць рэгуляваць цэны толькі на 26 сацыяльна значных тавараў. Гэта прадугледжана пастановай Міністэрства антыманапольнага рэгулявання і гандлю ад 15 красавіка № 30.

Цэны будуць рэгуляваць на наступныя тавары:

  • свежая рыба (сямейства карпавых),
  • сметанковае масла,
  • пшанічная мука,
  • сланечнікавы і рапсавы алей,
  • кухонная соль,
  • мяса (ялавічына, свініна, мяса курэй і куранят-бройлераў),
  • адрубы і буйнакавалкавыя паўфабрыкаты,
  • вараныя каўбасныя вырабы (каўбасы вараныя, сасіскі, сардэлькі),
  • яйкі курыныя свежыя,
  • мясныя і рыбныя кансервы,
  • сухое малако,
  • пастэрызаванае каровіна малако,
  • кефір з каровінага малака,
  • смятана,
  • тварог,
  • пітная вада ў бутэльках,
  • цвёрдае туалетнае і гаспадарчае мыла,
  • запалкі,
  • жаночыя гігіенічныя пракладкі,
  • падгузнікі,
  • туалетная папера.
Падзяліцца

Апошнія запісы

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025

У Гродна прыйшоў новы трэнд — ранішнія рэйвы ў кавярнях

Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…

31 сакавіка 2025