Дзеці пойдуць у школу з 20 красавіка, але не ва ўсіх раёнах. Што будзе з ЦТ?

Дзеці пойдуць у школу 20 красавіка, паведаміў сёння журналістам міністр адукацыі Ігар Карпенка, перадае БЕЛТА. Па яго словах, каля 40% дзяцей плануюць прыйсці ў школу.

«Калі раён эпідэмічна спакойны, у сельскай мясцовасці і няма магчымасці дыстанцыйнага навучання, то частка школ будзе вернутая да звычайнага рэжыму», — растлумачыў ён.

А калі бацькі супраць?

«Многія задаюцца пытаннем: калі я не пушчу сваё дзіця ў школу? Гэта яго права. Вядома, мы нікога прымушаць не будзем. Але аднаму з бацькоў трэба будзе разам са школай паклапаціцца аб тым, каб дзіця атрымала заданні. Таму што веды трэба атрымліваць, як і выбудоўваць адукацыйны працэс», — адзначыў міністр.

Можна вучыцца дыстанцыйна?

Ігар Карпенка падкрэсліў, што ў школах праведзена досыць сур’ёзная праца па стварэнні і напрацоўцы метадычнай базы. Прычым яна распрацавана не толькі на ўзроўні рэспубліканскіх структур — Нацыянальны інстытут адукацыі і Рэспубліканскі адукацыйны партал, але і на ўзроўні кожнай установы адукацыі.

У настаўнікаў ёсць неабходныя напрацоўкі, створаны цэлыя вучэбна-метадычныя комплексы па шэрагу прадметаў. У межах самастойнай працы школьнікам трэба будзе з настаўнікам адпрацаваць, якія заданні ён будзе атрымліваць і як будзе ажыццяўляцца кантроль яго ведаў.

Дзе гатовыя прыступіць да заняткаў?

Міністр акцэнтаваў увагу, што ў Беларусі ёсць некаторыя рэгіёны, у якіх вялікі працэнт школьнікаў гатовыя прыступіць да заняткаў. Асабліва ў сельскай мясцовасці. «Там будзе арганізавана і харчаванне навучэнцаў у адпаведнасці з тымі патрабаваннямі, якія ёсць, і рэкамендацыямі Міністэрства аховы здароўя. Усе алгарытмы гэтай дзейнасці адпрацаваны, у тым ліку скарэктавана вучэбна-тэматычнае планаванне па пачатку чацвёртай чвэрці. Мы гатовыя прыступаць да працы», — рэзюмаваў ён.

Што будзе ў эпідэмічна неспрыяльных раёнах?

Па частцы школ, якія знаходзяцца ў эпідэмічна неспрыяльных раёнах, Мінадукацыі разглядае пытанні дыстанцыйнага навучання. Міністэрства аховы здароўя ў сваю чаргу дае поўную інфармацыю аб эпідэмічнай абстаноўцы ў разрэзе рэгіёнаў.

«Наколькі я разумею, дзе ёсць магчымасць і патрэба, будзе дыстанцыйнае навучанне. Дзе такой патрэбы і магчымасці няма і абсалютна спакойная абстаноўка, будзе адноўлена звычайнае навучанне», — дадаў Уладзімір Каранік.

Пры гэтым па школах з кантактамі першага ўзроўню, там, дзе працуе санэпідслужба Міністэрства аховы здароўя, рашэнні прымаюцца адназначна, сказаў міністр.

Ці перанясуць заканчэнне навучальнага года?

«Мы ўважліва разглядаем розныя сцэнары развіцця падзей. Заканчэнне навучальнага года пераносіць пакуль не плануецца, — сказаў Ігар Карпенка. — Па меры набліжэння заканчэння навучальнага года скажам больш падрабязную інфармацыю».

Што будзе з ЦТ?

Што тычыцца пераносу ЦТ, гэтае пытанне цяпер знаходзіцца на абмеркаванні. «Вы ведаеце, што мы ўжо перанеслі алімпіяды школьнікаў. Плануем правесці іх у маі. Разглядаем магчымасць змяшчэння цэнтралізаванага тэставання. Пакуль рашэнне не прынята. Па меры ўзнікнення пытанняў, па меры развіцця сітуацыі будзем інфармаваць грамадскасць. Ва ўсякім выпадку, будзем старацца зрабіць усё на карысць школьніка і будучага абітурыента», — дадаў міністр.

Падзяліцца

Апошнія запісы

На Ласасянцы з’явяцца масткі і пляж. Там будзе парк адпачынку на Фолюшы

У мікрараёне Фолюш у Гродне ўзвядуць парк адпачынку. Яго хочуць зрабіць камфортным для моладзі і…

29 красавіка 2025

У цэнтры Гродна закрылася крама спорттавараў, якая працавала больш за 30 гадоў

Гродзенцы звярнулі ўвагу, што з будынка па вуліцы Ажэшкі, 42 знікла шыльда «Спорттавары». Instagram-акаўнт крамы…

28 красавіка 2025

Фільм на кітайскай раскажа пра Гродна і яго «інвестыцыйную прывабнасць»

Іміджавы фільм аб інвестыцыйнай прывабнасці Гродна задумалі ў гарвыканкаме. На яго выдаткуюць бюджэтныя грошы. Відэа…

28 красавіка 2025

У Гродне з’явіўся амерыканскі дэсерт — печыва з рознымі начыннямі

У Гродне пачалі прадаваць «крамбл кукіс» — амерыканскае печыва з рознымі дадаткамі і салодкімі топінгамі.…

28 красавіка 2025

Назву гурта Dzieciuki і яго сацсеткі прызналі «экстрэмісцкімі». Падобна, што «экстрэмісцкай» стала і першая беларускамоўная газета

Сацсеткі панк-гурта з Гродна Dzieciukі і сам гэты надпіс у Беларусі прызналі "экстрэмісцкімі матэрыяламі". Паводле фармулёўкі…

27 красавіка 2025

Нерухомасць тыдня: у Гродне прадаюць дом з ажурным балконам за 60 метраў ад Нёмана

У Гродне на продаж выставілі дом на 2-м Падольным завулку - па суседстве з рэстаранам…

26 красавіка 2025