Іпатэка будзе. Лукашэнка падпісаў указ аб іпатэчным крэдытаванні

Аляксандр Лукашэнка 16 красавіка падпісаў Указ № 130 «Аб іпатэчным жыллёвым крэдытаванні», паведамілі ў адміністрацыі.

Як паведамляецца, дакумент прыняты ў мэтах удасканалення дзяржаўнай жыллёвай палітыкі і стварэння дадатковых умоў па забеспячэнні правоў грамадзян, якія атрымалі крэдыт на жыллё.

На што распаўсюджваецца іпатэка?

Прадметам іпатэкі можа выступаць толькі жыллё, зарэгістраванае ва ўстаноўленым парадку, у тым ліку і набытае на другасным рынку жылой нерухомасці. Пры гэтым іпатэка будзе распаўсюджвацца таксама на зямельны ўчастак, на якім размешчана жыллё, якое набываецца.

Калі банк можа звярнуць спагнанне?

Згодна з дакументам, банк зможа звярнуць спагнанне на прадмет іпатэкі толькі пры адначасовым парушэнні дзвюх умоў крэдытнага дагавора: калі запазычанасць па асноўнай суме доўгу перавышае 10% ад сумы прадастаўленага крэдыту, а таксама пратэрмінаваная запазычанасць па асноўнай суме доўгу і працэнтах за карыстанне крэдытам складае больш за 90 дзён (у выпадку смерці крэдытаатрымальніка — больш за 9 месяцаў).

У каго ёсць права адтэрміноўкі?

Грамадзяне, якія праходзяць тэрміновую ваенную (або альтэрнатыўную) службу, змогуць скарыстацца адтэрміноўкай пагашэння запазычанасці па іпатэчным жыллёвым крэдыце і працэнтах за карыстанне ім на перыяд службы.

Як банкі будуць стымуляваць да выкарыстання іпатэкі?

Банкам прадастаўлена першачарговае права на задавальненне нявыкананых абавязацельстваў па жыллёвым крэдыце за кошт прадмета іпатэкі. Патрабаванні іншых крэдытораў, забяспечаныя закладам гэтага жылля, будуць задавальняцца пасля поўнага пагашэння даўгоў банка. Гэтыя меры нацэлены на тое, каб стымуляваць банкі да выкарыстання іпатэкі як асноўнага спосабу забеспячэння выканання абавязацельстваў па жыллёвых крэдытах.

Акрамя таго, з прыняццем Указа спрошчана рэгістрацыя закладу: банк самастойна накіроўвае неабходную інфармацыю ў тэрытарыяльныя арганізацыі па дзяржаўнай рэгістрацыі нерухомай маёмасці.

Што цяпер будуецца ў Гродне?

Новы мікрараён з’явіцца ў ўсходнім раёне горада. Там размесціцца жылая і грамадска-сацыяльная забудова. Планаваная колькасць насельніцтва — 3160 чалавек. Забудова зойме 24,41 га. Жылы фонд зойме 89 747,4 м². У раёне будзе 1476 кватэр. Праект прадугледжвае наземныя плоскасныя паркоўкі на 1135 аўтамабіляў, падземныя адна і двухпавярховыя на 320 і шматузроўневыя на 300. Тэрмін рэалізацыі - да 2024 года.

З рэканструкцыяй Паповічскага маста пачнуць будаваць новы мікрараён «Вясенні». Гэта каля 30 гектараў зямлі, абмежаваных вуліцамі Каліноўскага з поўначы і Вясенняй з поўдня і захаду. Усходняя мяжа будзе прымыкаць да праспекта Будаўнікоў, падаўжэнне якога таксама ўключана ў план забудовы.

Новы мікрараён з’явіцца ў Гродне. Існуючыя дамы там знясуць

У Гродне з’явіцца новы мікрараён

Падзяліцца

Апошнія запісы

«Будзе капаць на галовы» — што гродзенцы думаюць пра новыя кветкавыя аркі на Савецкай

Гродзенцы не ацанілі новыя канструкцыі для кветак на Савецкай. У красавіку на пешаходнай вуліцы ўсталявалі…

24 красавіка 2025

Студэнта з Гродна будуць судзіць за паведамленні ў «Беларускі Гаюн»

Тры злачынствы за "экстрэмізм" распачалі супраць падлеткаў у Гродзенскай вобласці ў 2024 годзе. У тым…

24 красавіка 2025

Цэгла са слядамі пальцаў, найстарэйшая свідравіна Гродна і двор для мерапрыемстваў. Якім стане комплекс былога піўзавода Brovar Hrodna

«Такіх месцаў і ў свеце не так многа, а ў Беларусі нічога падобнага проста няма», —…

24 красавіка 2025

На могілках у Гродне з’явілася пліта расійскага салдата, які ваяваў супраць Украіны

Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…

23 красавіка 2025

Як будзе выглядаць стогадовы дом у стылі канструктывізму на Міцкевіча пасля перабудовы: праект

Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…

23 красавіка 2025

У Гродне можна зрабіць здымак райка вока — паслуга падабаецца парам

Макраздымак райка (рус. - радужки) вока можна зрабіць у Гродне на вул. Будзённага. Закаханым прапануюць…

23 красавіка 2025