Адну з дзвюх сажалак на Курчатава засыплюць: аднаўляць дорага

Адзін з двух вадаёмаў на Курчатава ў скверы памяці воінаў-інтэрнацыяналістаў вырашылі засыпаць, а на яго месцы стварыць зону адпачынку.

Пасля абследавання сажалак на вуліцы Курчатава, адну з іх вырашылі цалкам засыпаць. Як піша vgr.by, аднаўляць вадаём выявілася занадта дорага. На яго месцы арганізуюць спартыўна-гульнявую пляцоўку.

Дно другой сажалкі ачысцілі. Яго падсыплюць, высцеляць гідраізаляцыйнай плёнкай і запоўняць вадой. Пасля заканчэння работ сажалка будзе 1,1 метра глыбінёй.

Сажалку на вуліцы Рэпіна ўжо падсыпалі, каб паменшыць глыбіню да 1,2 м, там дно выкладуць гідраізаляцыйнай плёнкай. Як піша vgr.by, частку сажалкі вырашылі засыпаць і зрабіць зону адпачынку. Вадаём оточаць дрэвамі і хмызнякамі.

Раней дэпутатка акругі Алена Жэлезняковіч казала, што вырашана, каб сажалка была глыбінёй 1,5 м, а зямлю падсыпаюць, каб пад’ехала тэхніка.

Сажалка на Рэпіна ў траўні 2019 года

Сажалка па вуліцы Рэпіна з’яўляецца адной з нямногіх у Кастрычніцкім раёне Гродна. Яна вядомая яшчэ з часоў Рэчы Паспалітай. Гісторыю вадаёма часта распавядае жыхарам мікрараёна кіраўнічка музея ў гімназіі № 4 Вольга Грамыка:

«Вакол каралеўскай рэзідэнцыі „Аўгустовак“ сажалкі мелі прыроднае паходжанне, але для магчымасці выкарыстання заўсёды былі акультураныя. Вадаёмы пашыралі, паглыблялі або засыпалі, надаючы патрэбную форму, па неабходнасці і ў адпаведнасці з прызначэннем».

Адзіная захаваная сажалка на Рэпіна заўсёды мела не гаспадарчае, а шпацырнае прызначэнне. Яе атачалі дрэвы, да яе вялі сцежкі. Цяпер сажалка важная не толькі як частка гісторыі, але і для экалагічнага балансу мікрараёна.

Працы на гарадскіх вадаёмах плануюць завяршыць у бліжэйшы час, паведаміў намеснік генеральнага дырэктара ОУПП «Гродзенская гарадская ЖКГ» па ідэалагічнай працы Сяргей Сямашка.

Падзяліцца

Апошнія запісы

«Будзе капаць на галовы» — што гродзенцы думаюць пра новыя кветкавыя аркі на Савецкай

Гродзенцы не ацанілі новыя канструкцыі для кветак на Савецкай. У красавіку на пешаходнай вуліцы ўсталявалі…

24 красавіка 2025

Студэнта з Гродна будуць судзіць за паведамленні ў «Беларускі Гаюн»

Тры злачынствы за "экстрэмізм" распачалі супраць падлеткаў у Гродзенскай вобласці ў 2024 годзе. У тым…

24 красавіка 2025

Цэгла са слядамі пальцаў, найстарэйшая свідравіна Гродна і двор для мерапрыемстваў. Якім стане комплекс былога піўзавода Brovar Hrodna

«Такіх месцаў і ў свеце не так многа, а ў Беларусі нічога падобнага проста няма», —…

24 красавіка 2025

На могілках у Гродне з’явілася пліта расійскага салдата, які ваяваў супраць Украіны

Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…

23 красавіка 2025

Як будзе выглядаць стогадовы дом у стылі канструктывізму на Міцкевіча пасля перабудовы: праект

Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…

23 красавіка 2025

У Гродне можна зрабіць здымак райка вока — паслуга падабаецца парам

Макраздымак райка (рус. - радужки) вока можна зрабіць у Гродне на вул. Будзённага. Закаханым прапануюць…

23 красавіка 2025