Двухтыднёвы каранцін увялі ва ўнутранай частцы Грандзіцкага рынку з 12 красавіка. Пра гэта Hrodna.life паведамілі крыніцы з Гродзенскага аблспажыўсаюза. Са слоў супрацоўнікаў рынку, у загадчыцы адной з крам выявілі станоўчы аналіз на каранавірус.
«У нядзелю прыехала санэпідстанцыя і закрыла прадуктовыя кропкі і магазін ва ўнутранай частцы рынку, — распавядае адзін з грузчыкаў. — Загадчыцы дзесьці за 40, кажуць падхапіла каранавірус, але афіцыйна спасылаюцца на пнеўманію. З ёй жа кантактавалі і іншыя супрацоўнікі. Усіх іх адправілі ў іншыя крамы ці ў адпачынак. А ўнутраную частку рынка прадэзінфікавалі і закрылі на два тыдні».
Інфармацыю не атрымалася ні пацвердзіць, ні абвергнуць афіцыйна ў Гродзенскім аблспажыў саюзе і аддзеле гандлю гарвыканкама. У неафіцыйнай гутарцы супрацоўнікі Скідзельскага рынку, да якога належыць Грандзіцкі рынак, запэўнівалі карэспандэнта Hrodna.life, што закрыццё крамы не звязана з каранавірусам COVID-19.
Аднак дастаўка, якая абслугоўвае краму на Грандзіцкім рынку, пацвердзіла, спасылаючыся на Гродзенскі філіял райпо, што крама ўсё ж такі зачынена на каранцін. Тавары з яе развезлі па іншых крамах спажыўсаюза.
Іншыя рынкі ў Гродне працуюць згодна з графікам.
На Румлёўскім праспекце ў Гродне ўзвядуць транспартную развязку. Грунт у раёне абследуюць на заражанасць насеннем…
У мікрараёне Фолюш у Гродне ўзвядуць парк адпачынку. Яго хочуць зрабіць камфортным для моладзі і…
Гродзенцы звярнулі ўвагу, што з будынка па вуліцы Ажэшкі, 42 знікла шыльда «Спорттавары». Instagram-акаўнт крамы…
Іміджавы фільм аб інвестыцыйнай прывабнасці Гродна задумалі ў гарвыканкаме. На яго выдаткуюць бюджэтныя грошы. Відэа…
У Гродне пачалі прадаваць «крамбл кукіс» — амерыканскае печыва з рознымі дадаткамі і салодкімі топінгамі.…
Сацсеткі панк-гурта з Гродна Dzieciukі і сам гэты надпіс у Беларусі прызналі "экстрэмісцкімі матэрыяламі". Паводле фармулёўкі…