Паводле звестак на раніцу 9 красавіка, у Беларусі пацверджаныя ўжо 1486 выпадкаў COVID-19. У бальніцах знаходзяцца 1331 чалавек, 139 ачунялі, 16 памерлі. 55 пацыентаў маюць патрэбу ў апараце штучнай вентыляцыі лёгкіх, паведамілі у Міністэрстве аховы здароўя.
Праведзена больш за 49 тысяч тэстаў на каранавірус, колькасць лабараторый для тэставання павялічылася да 14. Міністэрства аховы здароўя адзначае, што паве, лічэнне колькасці
станоўчых вынікаў тэсту прапарцыйна павелічэнню колькасці тэстаў, якія праводзяцца.
Статыстыка па рэгіёнах (паводле інфармацыі belta.by):
Гродзенская вобласць: 28 шпіталізаваны;
Мінск: 699 шпіталізаваны, 102 выпісаны, 6 памерлі;
Мінская вобласць: 153 шпіталізаваны, 1 выпісаны, 3 памерлі
Віцебская вобласць: 364 шпіталізаваны, 35 выпісаныя, 7 памерлі;
Гомельская вобласць: 35 шпіталізаваныя, 1 выпісаны;
Магілёўская вобласць: 35 шпіталізаваны;
Брэсцкая вобласць: 17 шпіталізаваны.
Таким чынам, за суткі колькасць лабараторна пацверджаных выпадкаў вырасла на 39% (8 красавіка было 1066 выпадкаў).
Амаль тыдзень таму, 3 красавіка, быў пацверджаны 351 выпадак заражэння;
4 красавіка — 440 (+89);
5 красавіка — 562 (+122);
6 красавіка — 700 (+138);
7 красавіка — 861 (+161);
8 красавіка — 1066 (+205);
9 красавіка — 1486 (+420).
За апошнія шэсць дзён колькасць заражаных вырасла больш чым у чатыры разы.
У канцы сакавіка Кіраўнік Сусветнай арганізацыі аховы здароўя (СААЗ) Тедрос Гебрэісус заявіў, што самаізаляцыя грамадзян і абмежаванне на рух дазволяць выйграць час з распаўсюджваннем каранавіруса, аднак для выратавання жыццяў гэтага недастаткова. «Папрасіць людзей застацца дома і спыніць рух насельніцтва — гэта выйграць час і знізіць нагрузку на сістэмы аховы здароўя. Самі па сабе гэтыя меры не патушаць эпідэмію. Мэта такіх мер — стварыць магчымасці для прыняцця больш дакладных і адрасных мер, неабходных для стрымання перадачы інфекцыі і выратавання жыццяў,» — прыводзіць яго словы who.int.
Расія пры спрыяльным развіцці падзей у пачатку лета плануе выходзіць з сітуацыі з каранавірусам. «Нам трэба пратрымацца 10−14 дзён, — цытуе ria.ru кіраўніцу ФМБА Вераніку Скварцову. — Калі першыя выпадкі ў нас з’явіліся ў канцы лютага, можна казаць пра запуск працэсу адносна інтэнсіўным з 1 сакавіка».
Літву пік эпідэміі чакае ў сярэдзіне красавіка ці пачатку траўня, сказала галоўны эпідэміёлаг краіны Ларэта Ашоклене падчас прэс-канферэнцыі. З дапамогай матэматычнай мадэлі атрымалася вылічыць, што колькасць хворых на каронавірус у Літве можа вырасці да 3000, а спыніць яго распаўсюд дапамогуць толькі яшчэ як мінімум два месяцы жорсткага каранціну, піша delfi.lt.
