Ліст з рэкамендацыямі «ў дзяржаўныя органы і арганізацыі па спісе» стаў прыходзіць з пачаткам новага тыдня. Ён падпісаны галоўным санітарным урачом Жукавай 4 красавіка. У ім актуальны спіс рэкамендацый, дзе другім пунктам значыцца: “пры наяўнасці магчымасці рэкамендуем арганізаваць дыстанцыйны спосаб працы”. І яшчэ шмат падрабязнасцяў, піша Onliner.by.
1. Прыехалі з-за мяжы? На 14-дзённую самаізаляцыю.
2. Калі ёсць магчымасць арганізаваць дыстанцыйную працу – зрабіце гэта.
3. Людзей з прыкметамі прастуды не дапускаем да працы.
4. Рассунуць супрацоўнікаў на 1-1,5 метра адзін ад аднаго.
5. Усе масавыя мерапрыемствы адкласці да стабілізацыі сітуацыі.
6. Нарады і планёркі праводзіць па відэасувязі.
7. Адмяніць замежныя камандзіроўкі.
8. Забяспечыць гігіену рук.
9. “Забяспечыць магчымасць выкарыстання медыцынскіх масак”.
10. Рэгулярная вільготная ўборка, і тэлефоны мыць з мылам.
11. Арганізаваць праветрыванне і ўвільгатненне.
12. Размясціць інфармацыйныя матэрыялы аб прафілактыцы ўсюды.
У канцы: усё гэта дорага і запатрабуе выдаткаў, але абыйдзецца танней, чым магчымыя наступствы ад ігнаравання гэтых правілаў.
