Мінздароўя абнавіла статыстыку: 300 чалавек з пацверджаным каранавірусам, з іх чацвёра памерлі

Міністэрства аховы здароўя апублікавала абноўленую статыстыку па сітуацыі з коронавирусом ў Беларусі. На 2 красавіка ў краіне лабараторна пацверджана 300 выпадкі COVID-19.

Паводле звестак Міністэрства аховы здароўя, 254 чалавекі знаходзіцца на стацыянарным лячэнні з пацверджанай каранавіруснай інфекцыяй. У большасці выпадкаў захворванне працякае ў лёгкай ці сярэдняй форме. 11 пацыентаў маюць патрэбу ў штучнай вентыляцыі лёгкіх, стан ацэньваецца як стабільны.

Ачунялі і выпісаныя з медыцынскіх устаноў - 46 пацыентаў. Зарэгістравана 4 выпадкі смерці ўзроставых пацыентаў з наяўнасцю шматлікіх хранічных захворванняў, па папярэдніх дадзеных, абцяжараных каранавіруснай інфекцыяй.

Калі лічыць памерлых у ліку «выпісаных», то агульная колькасць выпадкаў каранавіруса раўняецца 300. Калі выносіць памерлых асобна, то 304. Журналісты onliner.by звярнуліся ў Міністэрства аховы здароўя за ўдакладненнямі. Ім адказалі, што правільная лічба — 300.

Большасць пацверджаных зараз выпадкаў - гэта выяўленыя кантакты 1 і 2 узроўняў. З мэтай поўнага выяўлення ўсіх магчымых выпадкаў COVID-19 пачалі тэставанне пацыентаў не толькі з цяжкімі пнеўманіямі, але і з сярэднецяжкімі. Матэрыял для аналізу бяруць з ніжніх дыхальных шляхоў, а не толькі выкананнем мазка, што павышае дакладнасць.

Чытайце таксама: Дальнабойнік вярнуўся з Італіі ў Гродна і хацеў здаць тэст на каранавірус. Не атрымалася

На сённяшні дзень пад медыцынскім наглядам як кантакты 1 і 2 ўзроўню знаходзяцца 9 тыс. 299 чалавек. З іх 1 тыс. 943 чалавекі - на стацыянары.

Зараз ёсць як айчынныя, так і імпартныя тэст-сістэмы — у запасе больш за 11 тысяч тэстаў для правядзення лабараторных даследаванняў, працуюць 9 лабараторый, яшчэ 3 будуць запушчаны пры ўзнікненні неабходнасці, паведамляе прэс-служба.

Чытайце таксама: Беларусь атрымала ад Кітая гуманітарную дапамогу з тэстамі на каранавірус і касцюмамі для медыкаў

У шпіталях Беларусі сфарміраваны неабходны ложкавы фонд. Зацверджаны планы па перапрафіляванне бальніц у залежнасці ад сітуацыі, з маршрутызацыяй пацыентаў з COVID-19, а таксама кантактаў 1-га і 2-га ўзроўню.

Пры перапрафіляванні ложкавага фонду адным з асноўных крытэрыяў з’яўляецца таксама аказанне ў поўным аб’ёме ва ўстановах аховы здароўя хуткай (экстраннай і неадкладнай) дапамогі пацыентам з іншымі саматычнымі і хірургічнымі захворваннямі. Аб’ёмы аказання такой дапамогі нідзе не зніжаны.

Па словах прэс-службы Міністэрства аховы здароўя, лавінападобны рост захворвання дазваляюць стрымліваць правядзення санэпідрасследаваній і шпіталізацыі нават бессімптомных пацыентаў і кантактных асоб.


«Да цела нельга было дакранацца». Што вядома пра трэцюю смерць беларускі з каранавірусам

Падзяліцца

Апошнія запісы

«Будзе капаць на галовы» — што гродзенцы думаюць пра новыя кветкавыя аркі на Савецкай

Гродзенцы не ацанілі новыя канструкцыі для кветак на Савецкай. У красавіку на пешаходнай вуліцы ўсталявалі…

24 красавіка 2025

Студэнта з Гродна будуць судзіць за паведамленні ў «Беларускі Гаюн»

Тры злачынствы за "экстрэмізм" распачалі супраць падлеткаў у Гродзенскай вобласці ў 2024 годзе. У тым…

24 красавіка 2025

Цэгла са слядамі пальцаў, найстарэйшая свідравіна Гродна і двор для мерапрыемстваў. Якім стане комплекс былога піўзавода Brovar Hrodna

«Такіх месцаў і ў свеце не так многа, а ў Беларусі нічога падобнага проста няма», —…

24 красавіка 2025

На могілках у Гродне з’явілася пліта расійскага салдата, які ваяваў супраць Украіны

Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…

23 красавіка 2025

Як будзе выглядаць стогадовы дом у стылі канструктывізму на Міцкевіча пасля перабудовы: праект

Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…

23 красавіка 2025

У Гродне можна зрабіць здымак райка вока — паслуга падабаецца парам

Макраздымак райка (рус. - радужки) вока можна зрабіць у Гродне на вул. Будзённага. Закаханым прапануюць…

23 красавіка 2025