Навіны

Сямашка адкрые ў доме Мураўёва гасцініцу. Там будзе ліфт і прыбудова

Дом Мураўёва адрэстаўруюць пад гасцініцу. Бізнесмэн Станіслаў Сямашка плануе скончыць працы да 2021 года. Рэканструкцыю абяцаюць правесці з максімальным захаваннем гістарычнай планіровачнай структуры.

Плануецца рэканструкцыя трох паверхаў і склепа цэнтральнага будынка. На першым паверсе будзе фае з лесвічным блокам, рэцэпцыя гасцініцы, лобі-бар, ФАК. На астатніх паверхах — гатэльныя нумары.

Вокны, дзверы, вітражы, браму заменяць на драўляныя з поўным захаваннем гістарычных памераў і канфігурацый. У куце дваровай часткі з’явіцца прыбудова. Таксама ў будынку з’явіцца ліфт без машыннага аддзялення, каб выключыць змены гістарычнага аб’ёму даху.

Парковак з-за недахопу плошчы не плануецца. У рамках добраўпарадкавання панадворак выбрукуюць дробнай бетоннай пліткай. Як лічаць стваральнікі, гэты праект дазволіць акультурыць гістарычны цэнтр Гродна.


Глядзі таксама: Перад рэканструкцыяй: як выглядае ўсярэдзіне дом купца Мураўёва


З 25 сакавіка па 24 красавіка праходзяць грамадскія абмеркаванні праекта. З дакументацыяй па АУНА (справаздача аб ацэнцы ўздзеяння на навакольнае асяроддзе) можна пазнаёміцца ​​на сайце Гродзенскага гарадскога выканаўчага камітэта.

Кантактная асоба: галоўны інжынер праекта ТАА «Еўрапрэстыж» Клімовіч Павел Іванавіч, тэлефон: 62−45−34

Заўвагі і прапановы па дакументацыі па АУНА можна накіраваць:

— Упраўленне архітэктуры і горадабудаўніцтва Гродзенскага гарвыканкама, 230 023, г. Гродна, пл. Тызенгаўза, 3, arhitektura@gorod.grodno.by;

— Гродзенская гарадская і раённая інспекцыя прыродных рэсурсаў і аховы навакольнага асяроддзя, giop@mail.grodno.by

— ТАА «СемашкаІнвест». Адрас: 230 003, вул. Антонава, 10, г. Гродна, ep-grodno@mail.ru.

Даведка

Дом быў пабудаваны ў канцы XIX стагоддзя для купца Івана Мураўёва. У будынку размяшчаліся жылыя памяшканні і магазін. Дом быў багата ўпрыгожаны звонку і ўнутры: на вежках былі гербавыя шчыты. У памяшканнях — ляпніна, кафляныя печы.

Да пачатку 1990-х будынак займала абласная навуковая бібліятэка, потым будынак быў закінуты і разрабаваны. Дзве папярэднія спробы рэканструкцыі скончыліся няўдачай.

Падзяліцца

Апошнія запісы

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025

У Гродна прыйшоў новы трэнд — ранішнія рэйвы ў кавярнях

Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…

31 сакавіка 2025