У Гродзенскай вобласці ўжо паступіла каля 600 заявак ад адзінокіх пенсіянераў на дастаўку прадуктаў і лекаў на дом. Пра гэта карэспандэнту БЕЛТА паведаміла начальнік аддзела сацыяльнай дапамогі і сацыяльнага абслугоўвання камітэта па працы, занятасцi i сацыяльнай абароне Вікторыя Карацельшчыкава.
«Пачалі працаваць з катэгорыяй адзінокіх і адзінока пражываючых грамадзян. Сацыяльныя службы гатовыя аказаць ім паслугі па дастаўцы прадуктаў і лекаў на дом», — адзначыла Вікторыя Карацельшчыкава. Актыўна дапамагаюць у гэтым валанцёры БРСМ і Чырвонага Крыжа, а таксама гандлёвыя сеткі, дзе ёсць паслугі дастаўкі.
Пакінуць заяўку можна ў кожным тэрытарыяльным цэнтры па тэлефоне. Гарачыя лініі працуюць штодня з 9.00 да 18.00. «Кожнаму, хто звярнуўся па такую паслугу, назавуць дадзеныя канкрэтнага сацработніка. У яго пры сабе будзе пасведчанне», — распавяла Вікторыя Карацельшчыкава. Праверыць дакументы, каб застрахавацца ад махляроў, будзе не лішнім.
Каб мінімізаваць рызыкі, рэгулярна кантралюецца стан здароўя тых, хто непасрэдна працуе з пажылымі.
У рэгіёне ўжываюць дадатковыя меры па прафілактыцы і абароне ад вірусных захворванняў пажылых людзей. Напрыклад, у дамах-інтэрнатах рэгіёну уведзены абмежавальны рэжым, забароненыя наведванні, кантралюецца выхад за тэрыторыю. Узмоцнена і санапрацоўкі памяшканняў, персанал такіх устаноў забяспечаны сродкамі індывідуальнай абароны. Рэгулярна правяраецца стан здароўя насельнікаў інтэрнатаў.
