Урад Літвы вырашыў, што ад панядзелка 16 сакавіка ў краіне ўводзіцца каранцін, каб спыніць распаўсюд каранавіруса, паведамляе delfi.lt.
«Літоўскі ўрад (…) вырашае абвясціць каранцін па ўсёй Літоўскай Рэспубліцы», — заявіў прэм’ер Саўлюс Скверняліс на пасяджэнні ўрада.
З увядзеннем каранціну ў Літву будзе забаронены ўезд большасці замежнікаў, будуць зачыненыя большасць крам, за выключэннем харчовых.
Забароны не будуць тычыцца руху тавараў.
У суботу ўрад Літвы апублікаваў рэкамендацыю дзеючым у краіне рэлігійным суполкам «не арганізоўваць рэлігійныя абрады, якія патрабуюць публічных сходаў».
1. Забараняецца ўезд у краіну замежнікам, за выключэннем асоб, якія забяспечваюць дастаўку неабходных тавараў у Літву, членаў экіпажаў, членаў сем’яў грамадзян Літвы, асоб, у якіх ёсць права на пражыванне і працу ў Літве, дыпламатаў, прадстаўнікоў ваенных місій НАТА. Часова будзе прадастаўлены гуманітарны калідор грамадзянам Латвіі і Эстоніі для вяртання дадому.
2. Скароціцца колькасць пагранічных прапускных пунктаў, праз якія можна будзе ўехаць у Літву.
3. Грамадзянам Літвы забараняецца ездзіць у закранутыя каранавірусам краіны ўсімі відамі транспарту. Таксама разглядаецца магчымасць забараніць выезд за мяжу не з працоўнымі мэтамі.
4. Забаронены гандаль у крамах, за выключэннем харчовых крам, аптэк, спецыялізаваных ветэрынарных аптэк, рынкаў, якія гандлююць харчовымі прадуктамі.
5. Забаронена дзейнасць кафэ, бараў, за выключэннем паслуг ежы на вынас.
6. Забараняюцца ўсе мерапрыемствы, як у закрытых памяшканнях, так і на паветры.
7. Забараняецца ўваход круізных лайнераў у Клайпедскі порт.
8. Установам публічнага адміністравання забараняецца аказвацца неабавязковыя паслугі.
9. Забараняецца наведванне пацыентаў у лячэбных установах, а таксама вязняў у месцах зняволення.
10. Забараняецца прадастаўляць паслугі СПА, рэабілітацыі, калі яны не звязаны з лячэннем, забараняецца дзейнасць цырульняў, салонаў прыгажосці.
11. Абмяжоўваецца колькасць пасажыраў у міжгародніх аўтобусах і цягніках, каб захоўваць дыстанцыю паміж пасажырамі. Рэкамендуецца гэта ўжываць і ў дачыненні да гарадскога транспарту.
12. Гасцініцы, пры неабходнасці, павінны будуць пускаць людзей на каранцін, дзяржава будзе гэта аплачваць.
13. Адукацыйныя ўстановы застаюцца зачыненымі.
14. У лячэбных установах адкладаюцца планавыя аперацыі, за выключэннем неабходнай медыцынскай дапамогі, адклікаюцца паслугі рэабілітацыі, аданталогіі, планавыя прышчэпкі.
15. Як у дзяржаўным, так і ў прыватным сектары работнікам рэкамендуецца працаваць дома.
За невыкананне ўсіх гэтых абавязацельстваў пагражае адміністрацыйная і крымінальная адказнасць.
У Літве пакуль выяўлены восем выпадкаў каранавіруса, два з іх — у суботу 14 сакавіка.
Міліцыя Гродна шукае пастаўшчыка абедаў у ізалятар часовага ўтрымання Кастрычніцкага РУУС. З 2011 года ежу…
Гродзенец Павел Юшкевіч, які жыве ў Торуні, атрымаў польскае грамадзянства па рашэнні Куяўска-Паморскага ваяводы. Раней…
Штогод у Гродзенскай вобласці выяўляюць больш за 6 тысяч анкалагічных захворванняў. Па стане на 2025…
Гродзенскі прадпрымальнік Артур Рымша выпусціў кліп на песню "Дзве сястры" - у ёй мужчына спявае…
"Лідскае піва" памяняла фармат тары для брэнда KORONET Lager. Прычына ў адсутнасці патрэбнай тары -…
Гродзенскі рок-гурт 8sonca запісаў трэці музычны альбом. Музыкі прысвяцілі яго каханню і ўнутраным перажыванням. Рэліз…