У судзе Ленінскага раёна Гродна сёння, 9 сакавіка, пачнецца разгляд крымінальнай справы аб уцягванні непаўнагадовых у спажыванне наркотыкаў, паведамілі БЕЛТА ў прэс-службе Гродзенскага абласнога суда.
Мужчына абвінавачваецца ў здзяйсненні злачынстваў, прадугледжаных ч. 3 арт. 328 (незаконны абарот наркатычных сродкаў), ч. 2 арт. 331 (скланенне да спажывання наркатычных сродкаў), ч. 1 арт. 332 КК (прадастаўленне памяшканняў для спажывання наркатычных сродкаў).
Мужчына арандаваў ў цэнтры Гродна памяшканне, дзе арганізаваў гурток па робататэхніцы, які карыстаўся вялікай папулярнасцю. Аператыўнікі сцвярджаюць, што з некаторымі вучнямі кіраўнік гуртка ўжываў наркотыкі. Гэта былі трое непаўналетніх 14−16 гадоў.
Выкладчык быў затрыманы як раз падчас курэння марыхуаны з адным з адным з іх у памяшканні, дзе праводзіў заняткі. У доме і на працоўным месцы мужчыны выявілі марыхуану.
