Нечакана: у Гродне ровараў больш, чым аўтамабіляў. Як ездзяць гродзенцы і чаму

У канцы 2019 года было завершана вялікае даследаванне развіцця веларуху ў гарадах Беларусі. Па выніках апытанняў выявілася, што Гродна — адзіны з абследаваных гарадоў, у якім колькасць ровараў перавышае колькасць аўтамабіляў (144 тысячы).

У Гродне налічылі прыкладна 132 тысячы дарослых ровараў (± 30 тысяч ровараў) і прыкладна 38 тысяч дзіцячых або падлеткавых. Такім чынам, асабісты ровар ёсць прыкладна ў 33% гродзенцаў (гэта менш, чым у Мінску і Брэсце).

Паводле апытання, 41% гродзенцаў ездзяць на ровары раз на месяц і часцей. У халодную пару года раз на тыдзень і часцей ездзяць каля 3% гродзенцаў.

Сярэдняя дыстанцыя ад дома да працы і назад у Гродна складае каля 15 км (гэта прыкладна на 3 км менш, чым у жыхароў іншых даследаваных буйных гарадоў - Мінска, Гомеля і Брэста). Пры гэтым у сярэднім тыповы гродзенскі веласіпедыст праязджае прыкладна 13,5 км.

Карыстацца роварам для паездак на працу або вучобу гродзенцам перашкаджае адсутнасць душа на працы, меркаванне, што ёсць больш камфортны спосаб дабрацца, складаныя бардзюры і недахоп веласцежак. Тыя, хто ездзіць на веласіпедзе пастаянна, больш за ўсё скардзяцца на адсутнасць выдзеленых веласцежак (44%) і паніжаных бардзюраў (49%). Гэта сур’ёзныя ўплывае на бяспеку паездак.

У апытанні гродзенцы часцей, чым жыхары іншых гарадоў адзначалі, што веларух у горадзе не развіваецца. У Гродне, як аказалася, самы маленькі рынак ровараў і велаабслугоўвання сярод даследаваных гарадоў. Больш за палову гараджан перакананыя, што развіццё веларуху прывяло б да паляпшэння транспартнай сітуацыі і развіццю турызму. 82% гродзенцаў падтрымліваюць з’яўленне масавага гарадскога велапракату, а 18% гатовыя карыстацца такім пракатам рэгулярна.

Чытайце таксама: Велагараж, веламаячкі і велапаркоўка з’явіліся ў Гродне пры падтрымцы Еўрасаюза

Даследаванне праводзіў даследчы цэнтр SATIO на замову ўстановы «Цэнтр экалагічных рашэннняў» і грамадскага аб’яднання «Мінскае веласіпеднае таварыства» ў рамках праекта «Гарадскі веларух у Беларусі» пры фінансаванні Еўрапейскага саюза.


У Гродне прынялі Канцэпцыю развіцця веларуху да 2030 г.

Падзяліцца

Апошнія запісы

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025

У Гродна прыйшоў новы трэнд — ранішнія рэйвы ў кавярнях

Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…

31 сакавіка 2025