Навіны

Гродзенскаму пошукаваму атраду «ЦентрСпас» 6 гадоў. Чым яны займаюцца і як далучыцца?

Гродзенскі пошукава-выратавальны атрад «ЦэнтрСпас» 27 лютага адзначыць 6-годдзе. За час існавання атрад правёў некалькі сотняў пошукаў у Гродзенскай вобласці і дапамог знайсці многіх людзей.

Атрад паўстаў у сярэдзіне 2014 года — як філіял мінскага атрада «Анёл». У пачатку 2015 года гродзенцы вырашылі аддзяліцца ад «анёлаў» і стварыць сваю арганізацыю. За пяць гадоў у атрадзе памяняліся два камандзіры. Дзеючы камандзір — Аляксандр Крыцкі.

Чым займаецца атрад?

Пошукава-выратавальны атрад «ЦэнтрСпас» шукае зніклых без вестак людзей. Гэта некамерцыйная, валанцёрская арганізацыя, якая працуе за кошт добраахвотных узносаў і спонсарскай дапамогі. Атрад актыўна ўзаемадзейнічае з міліцыяй і МНС.

Колькі людзей у атрадзе?

Касцяк, які гатовы ў любы час выехаць на пошукі, складаецца з 5−7 чалавек. На маштабныя пошукі збіраецца па некалькі дзясяткаў чалавек. А ўсяго валанцёрскіх анкетаў запоўненая больш за 100. Валанцёры — гэта зусім розныя людзі: ад былых супрацоўнікаў міліцыі і вайскоўцаў, да токараў на заводзе і вадзіцеляў тралейбусаў.

У час зімовых пошукаў

Як часта праходзяць пошукі?

За апошні год атрад стаў праводзіць больш пошукаў. Гэта звязана з тым, што часцей сталі знікаць людзі. Група збіраецца на пошукі, як толькі паступае інфармацыя. Пачынаецца неадкладны агульны збор атрада. Валанцёраў апавяшчаюць па тэлефоне і ў сацыяльных сетках. Атрад стараецца аператыўна выязджаць на пошукі. Часам пошукі могуць доўжыцца і некалькі дзён з перапынкамі. Пошукі працягваюцца, пакуль не знойдзецца зніклы чалавек. Зніклых знаходзяць як жывымі, так і мёртвымі. Але падрабязную статыстыку па пошуках атрад не вядзе.

Якія плюсы ад працы ў атрадзе?

У першую чаргу — гэта магчымасць дапамагаць людзям, якія трапілі ў бяду. Знаёміцца ​​з рознабаковымі людзьмі. Таксама валанцёры вучаць пачаткоўцаў аказваць першую дапамогу, арыентавацца ў лесе і экстраных сітуацыях.

Якая дапамога патрэбная атраду?

Атрад мае патрэбу ў першую чаргу ў новых валанцёрах, транспарце і абсталяванні для пошукавых работ (радыёстанцыях, ліхтарах і пражэктарах). Звязацца з атрадам можна праз сацыяльныя сеткі або патэлефанаваць каардынатарам пошуку.

Група VK: Поисково-спасательный отряд «ЦентрСпас»

Таксама яны ёсць у Аднакласніках і Facebook.

Мабільныя нумары каардынатараў пошуку:
Яўген — каардынатар гарадскога пошуку +375 297 018 723
Андрэй — каардынатар ляснога пошуку +375 298 883 457

Падзяліцца

Апошнія запісы

Школьнікі з Гродна трапілі пад прафілактыку за «зігаванне» і нацысцкую сімволіку

Міліцыя Грjдзенскай вобласці маніторыла Інтэрнэт і занепакоілася "нацызмам" сярод школьнікаў. Яны "зігуюць", слухаюць музыку Трэцяга…

25 красавіка 2025

У Гродне правялі беларуска-польскі форум для бізнесменаў. Гаварылі пра важнасць Расіі

Дыялогавая пляцоўка для бізнесменаў з Беларусі і Польшчы прайшла ў Гродне 25 красавіка. Мясцовыя ўлады…

25 красавіка 2025

«Будзе капаць на галовы» — што гродзенцы думаюць пра новыя кветкавыя аркі на Савецкай

Гродзенцы не ацанілі новыя канструкцыі для кветак на Савецкай. У красавіку на пешаходнай вуліцы ўсталявалі…

24 красавіка 2025

Студэнта з Гродна будуць судзіць за паведамленні ў «Беларускі Гаюн»

Тры злачынствы за "экстрэмізм" распачалі супраць падлеткаў у Гродзенскай вобласці ў 2024 годзе. У тым…

24 красавіка 2025

Цэгла са слядамі пальцаў, найстарэйшая свідравіна Гродна і двор для мерапрыемстваў. Якім стане комплекс былога піўзавода Brovar Hrodna

«Такіх месцаў і ў свеце не так многа, а ў Беларусі нічога падобнага проста няма», —…

24 красавіка 2025

На могілках у Гродне з’явілася пліта расійскага салдата, які ваяваў супраць Украіны

Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…

23 красавіка 2025