Напрыканцы лютага у гродзенскага музыкі Алеся Дзянісава прарвала «Творчэскій нарыў». Паліліся з нарыва песні і дыялогі з сучаснага жыцця «рыбят», «мужыкоў», «цёцяў Зінаў» ды «дзядзяў Коляў». У выніку атрымаўся музычна-размоўны серыял аднаго двара. Галоўныя героі і расказчыкі, Быхдер і Міксалыч, таксама не «з Луны звалілісь». Яны жувуць побач са сваімі «радзіёзрыцелямі і целеслушацелямі» і гатовы шчыра расказваць пра сваё жыццё. Творчае крэда дуэта — «Толька трасянка!!! Толька шансон!!!».
Разам з Алесем Дзянісавым і Дзмітрыем «Вундерам» над «Нарывам» працавалі таксама Наста і Макс Назарукі. Музыкі не хаваюць, што галоўнымі натхняльнікамі іх творчасці сталі калдыры «Саша і Сірожа»: «Эта нашы атцы, мы на ніх раўняемся».
Ідэя ўласнага праекта, таксама як і творчыя псеўданімы Быхдер і Міксалыч, паўсталі ў 2013 годзе, падчас велапаходу да возера Попкі на Міёршчыне. Ішоў дождж, рабіць не было чаго, у выніку — пачалі выдумляць і спяваць абы-што. З таго часу песень і размоваў «за жысьць» ды «гісторый, што прыключалісь окала нас», набралася на цэлы альбом. Нешта адпавядае рэчаіснасці, іншае — прыдумалі, прызнаюцца аўтары. Агулам у альбом увайшлі 10 «разгавораў» і 9 музычных стужак.
Шматгадзінныя чэргі, перфаратар і два акенца на рэгістрацыю. Дзяўчына схадзіла ў Гродзенскае агенцтва па дзяржаўнай…
Прадпрыемства "Гродна Азот" 12 лютага ў Telegram-канале анансавала конкурс да Дня роднай мовы. Да самога…
Палітзняволены з Гродна Кірыл Кетурка скончыў жыццё самагубствам у Цэнтры ўтрымання пад вартай у Варшаве-Служэўцы…
Былому сенатару і дырэктару «Краснасельскбудматэрыялы» Уладзіміру Кісялёву пагражае да трох гадоў калоніі за разгалашэнне службовай…
"Малочны Мір" абавязалі змяніць назву для серыі глазураваных сыркоў. Пасля чыёсьці скаргі ў Міністэрства антыманапольнага…
На Гагарына, 25 у Гродне прадаецца двухпакаёвая кватэра з выдатна захаваным постсавецкім інтэр'ерам. Дом, у…