Колькі каштаваў ГЗК Triniti і калі ён акупіцца

Бюджэт праекта ГЗК перавышае больш за 100 млн еўра. Сюды ўваходзіць будаўніцтва, праектаванне і фінансавыя выдаткі на прыцягненне крэдыту. Акупнасць ГЗК — больш за дзесяць гадоў, распавёў Раман Марозаў, намеснік дырэктара па развіцці ТАА «Контэ Спа».

Праект крэдытуюць з дапамогай польскага банку Bank Gospodarstwa Krajowego. Агульная крэдытная лінія перавышае 50 млн еўра. Яна складаецца з крэдыту на будаўніцтва і страхавання крэдыту.

— Наш крэдыт унікальны збольшага. Унікальны тым, што замежны банк даў грошы наўпрост беларускай юрыдычнай асобе, абмінаючы беларускі банк. Асноўныя схемы крэдытавання прадугледжваюць наяўнасць беларускага банка. Гэта значыць, замежны банк дае грошы беларускаму банку, а беларускі банк дае грошы беларускай юрыдычнай асобе. Такім чынам замежнікі сябе страхуюць. У дадзеным выпадку гэтая схема іншая. Мне невядома, каб хто-небудзь яшчэ да нас браў крэдыты наўпрост у замежных банкаў. Мы першыя, хто здолеў гэта зрабіць, — кажа Раман Марозаў.

Раман Марозаў, намеснік дырэктара па развіцці ТАА «Контэ Спа»
Такі крэдыт прадугледжвае страхаванне. Страхоўка таксама каштуе грошай. Крэдыт доўгі - 10 гадоў плюс перыяд будаўніцтва пад еўрапейскія працэнты. «Мы ў Беларусі не маглі ў той час знайсці магчымасць узяць столькі грошай на такі доўгі тэрмін пад такія танныя працэнты». Працэнты ў «Triniti» не могуць назваць, гэта закрытая інфармацыя.

Польскі банк перад выдачай крэдыту правёў даследаванне патэнцыялу гандлёвага цэнтра. Гэта з’яўляецца пацвярджэннем таго, што праект паспяховы і мае адэкватныя тэрміны акупнасці. Любы арандатар можа тут працаваць і зарабляць.

Акупнасць праекта — больш за дзесяць гадоў. Дакладней будзе вядома праз год, калі будзе зразумелы дакладны аб’ём інвестыцый і даходнай часткі, звязанай з арэнднымі плацяжамі.

Прагназуемая наведвальнасць у першыя тры год: 600−900 тыс. чалавек у месяц, калі адкрыецца ўвесь аб’ект. Такія прагнозы робяць, таму што ў OldCIty наведвальнасць — 500−530 тыс. чалавек у месяц. У снежні яна склала 650 тысяч чалавек. Але OldCIty — больш гандлёвы, чым забаўляльны цэнтр, ён у тры разы меншы. У Triniti большы набор арандатараў, а ў якасці кліентаў разглядаюць прыезджых з вялікіх гарадоў вобласці, трафік з трасы М6 і бязвізавых турыстаў. Разлічваюць таксама перавабіць гродзенцаў, якія любяць ездзіць на закупіць у Польшчу. Цяпер нядзеля там — не гандлёвы дзень.

Апошнія запісы

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025

У Гродна прыйшоў новы трэнд — ранішнія рэйвы ў кавярнях

Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…

31 сакавіка 2025