Відэасервіс VOKA працягвае серыю трансляцый спектакляў Купалаўскага тэатра. Убачыць пастаноўку «Каханне як мілітарызм» у прамым эфіры і ў любой кропцы Беларусі адначасова з гледачамі ў зале можна будзе ўжо 6 лютага ў 19:00. Трансляцыя праводзіцца ў рамках спецыяльнага праекта да юбілейнага 100-га сезона Нацыянальнага акадэмічнага тэатра імя Янкі Купалы, генеральным партнёрам якога з’яўляецца кампанія А1.
«Каханне як мілітарызм» — адна з першых прэм’ер Камернай сцэны, якую адкрылі ў тэатры ў 2015 годзе як пляцоўку, дзе могуць працаваць маладыя рэжысёры. Камедыя, пастаўленая Дзмітрыем Цішко (выпускніком курса Мікалая Пінігіна ў Акадэміі мастацтваў) па аднайменнай п’есе сучаснага расійскага драматурга Пятра Гладзіліна, паспяхова існуе ў рэпертуары Купалаўскага тэатра.
Героі спектакля — тры пакаленні адной сям'і, якім не жывецца мірна: бабуля ваюе з дзядулем, іх дочкі вядуць баі са сваімі мужамі, а ўнучка — з хлопцам. Адказ на пытанне, чаму людзі не здольныя жыць у згодзе, разам з гледачамі шукаюць народная артыстка Беларусі Зоя Белахвосцік, Заслужаны артыст Рэспублікі Беларусь Георгій Маляўскі, Крысціна Дробыш, Дзмітрый Тумас, Яўгенія Кульбачная, Алег Гарбуз, Вячаслаў Паўлюць, Святлана Кажамякіна, Кацярына Яворская.
«Каханне як мілітарызм» — ужо шосты з анлайн-паказаў, што распачаліся на VOKA у верасні 2019 года. За гэты час дзякуючы спецыяльнаму праекту А1 і Купалаўскага тэатра ўпершыню адбыліся трансляцыі некалькіх знакавых пастановак: «Радзіва «Прудок», «Дзве душы», «Зямля Эльзы», «Людзі на балоце» і «Вечар».
Прамы эфір 6 лютага будзе даступны з любой прылады і ў сетцы любога аператара пасля аўтарызацыі ў мабільным прыкладанні VOKA ці на сайце voka.tv па нумары тэлефона. Шматкамерная мастацкая здымка ў высокай якасці дазволіць кожнаму гледачу максімальна паглыбіцца ў атмасферу тэатральнай залы і ўбачыць усё, што адбываецца на сцэне, з розных ракурсаў. Паказ пачынаецца, а 19-й.
Сачыце за самымі цікавымі падзеямі юбілейнага сезона разам з VOKA!
Шматгадзінныя чэргі, перфаратар і два акенца на рэгістрацыю. Дзяўчына схадзіла ў Гродзенскае агенцтва па дзяржаўнай…
Прадпрыемства "Гродна Азот" 12 лютага ў Telegram-канале анансавала конкурс да Дня роднай мовы. Да самога…
Палітзняволены з Гродна Кірыл Кетурка скончыў жыццё самагубствам у Цэнтры ўтрымання пад вартай у Варшаве-Служэўцы…
Былому сенатару і дырэктару «Краснасельскбудматэрыялы» Уладзіміру Кісялёву пагражае да трох гадоў калоніі за разгалашэнне службовай…
"Малочны Мір" абавязалі змяніць назву для серыі глазураваных сыркоў. Пасля чыёсьці скаргі ў Міністэрства антыманапольнага…
На Гагарына, 25 у Гродне прадаецца двухпакаёвая кватэра з выдатна захаваным постсавецкім інтэр'ерам. Дом, у…