Этнакрама «Цудоўня» запускае праект «Кот Горадні». Галоўная ідэя праекта — прадставіць наш горад у цікавай і непапсовай форме. Але пры гэтым — праз папсовыя і звычайныя рэчы. Такія, як сувенірныя паштоўкі і магніты.
Гаспадар «Цудоўні» Андрэй Несцяровіч кажа, што спачатку ў планах быў крыху іншы прадукт.
«Ідэя праекта распачыналася з распрацоўкі календара-экскурсіі, дзе на кожны месяц пазначаны гарадзенскія адметнасці: замкі, прывід Фары Вітаўта, Каложская царква, ваданапорныя вежы Кася і Бася і іншыя. Гэта быў шляхаводнік па горадзе з менш вядомымі прамежкавымі пунктамі, такімі як Музей Януша Паруліса. З кароткім апісаннем месца куды чалавек патрапіў».
Ідэю календара-экскурсіі адклалі на наступны год, а ўжо адмаляваныя будынкі з галоўнымі персанажамі вырашылі перанесці на фармат сувеніраў, кшталту магніцікаў і паштовак.
«Гэта самы просты і запатрабаваны спосаб прэзентацыі горада тым, хто сюды прыязжае», — лічыць каманда «Цудоўні».
У этнакраме лічаць, што большасць паштовак і магнітаў з выявай Гродна зроблены танна і непрывабна, і гэта праблема. Таму «Цудоўня» вырашыла зрабіць гэта нестандартна і па-свойму цікава. Галоўным героем выступае сам горад, а коцікі прэзентуюць яго праз гродзенскія славутасці.
«Бо коцікі гэта істоты якіх любяць амаль усе. Яны могуць прысутнічаць паўсюль і заўжды. Таму яны збіраюць легенды і распавядаюць іх тым, хто ўмее глядзець і слухаць», — кажа Андрэй Несцяровіч.
Магніты ўжо можна прыдбаць у Этнакраме «Цудоўня». Таксама крамя вядзе збор сродкаў на друк паштовак, якія ў будучыні плануюць распаўсюдзіць па розных гродзенскіх кропках.
Зрабіць перадзамову і прыдбаць набор паштовак можна па спасылцы:
https://epos.hutkigrosh.by/pay/pay?param=10 248−1-kh8
Гродзенскі абласны суд прызнаў Ежы Грыгенчу вінаватым паводле чатырох крымінальных артыкулаў. Яму прызначылі шэсць гадоў…
Блогер з Гродна Аляксей Саўко з ростам у 136 см апублікаваў фота ў футболцы “Команда…
Экран вышынёй 7 метраў з’явіўся на фасадзе гандлёва-забаўляльнага цэнтра Triniti на праспекце Янкі Купалы. Гэта…
Гродзенская вобласць страціла лідарскую пазіцыю па колькасці арганізаваных турыстаў. Цяпер сярод найбольш папулярных напрамкаў —…
Аперацыя праводзіцца на тэрыторыі Гродна і Гродзенскага раёна ў рамках камандна-штабных вучэнняў сілавікоў. На час…
Байкеры выявілі ў Пышках дрот, нацягнуты на ўзроўні шыі. Відэа яны размясцілі ў TikTok. "Вось…