XIII Рэспубліканскі фестываль нацыянальных культур у Гродне пройдзе 5−6 чэрвеня, паведаміла журналістам дырэктар Рэспубліканскага цэнтра нацыянальных культур Вольга Антаненка, перадае БЕЛТА.
На фестывалі будуць прадстаўлены 35 нацыянальнасцей. Зараз збіраецца матэрыял ад дыяспар, каб стварыць кнігу аб нацыянальных культурных грамадскіх аб’яднаннях з Беларусі, якія пастаянна ўдзельнічаюць у фестывалі.
Ад кіраўнікоў дыяспар паступіла прапанова правесці на палях фестывалю вечар дружбы. Фармат абмяркоўваецца. Магчыма, збяруць ўсе нацыянальнасці за адзіным сталом або вакол адзінага вогнішча.
Вольга Антаненка дадала, што ўсе нацыянальныя аб’яднанні вельмі сур’ёзна рыхтуюцца да фестывалю ў Гродне і кожны год імкнуцца здзівіць гасцей сваіх падворкаў.
