Першая сустрэча клуба прайшла 18 студзеня і сабрала 30 гасцей. Тут раней за астатніх гродзенцаў пачулі новыя песні і паглядзелі відэаінсталяцыі і карціны. Збіраецца закрыты клуб у тату-салоне «Адважнае Сэрца». Трапіць на вечарыну можна толькі па асабістым запрашэнні аднаго з трох арганізатараў - музыканта Юрыя Дубовіка, гарадской актывісткі Дар'і Нячай і гаспадара салона Ігара Бірукова.
Сярод удзельнікаў былі музыкі, мастакі, паэты, фатографы, блогеры, дызайнеры, прадстаўнікі байк-рухаў, майстры рамеснікі, журналісты і іншыя творчыя людзі Гродна.
«Спачатку я проста хацеў неяк цікава выкарыстоўваць прастору майго салона ў непрацоўны час. Арганізоўваў некалькі музычных кватэрнікаў, але хацелася чагосьці большага, цікавага, карыснага. Распавёў пра гэта Дашы і Юру і пачалі развіваць тэму. Так прыйшла ідэя арганізаваць клуб, дзе маглі б збірацца творчыя людзі, знаёміцца,
ствараць сумесныя праекты, дапамагаць адзін аднаму. Мы ўсе варымся ў коле сваіх знаёмых, а гэта рэальны шанец выйсці з зоны камфорту і абмяняцца тусоўкамі».
Вечарынкі плануюць праводзіць раз у месяц. На кожнай будуць прэзентаваць новыя творы, якіх яшчэ не паказвалі шырокай публіцы. На першай прайшло адразу некалькі прэзентацый.
Гродзенскі фольк-рок гурт «Вочы» прадставіў песню «Матуля». Яна настолькі новая, што не ўвайшла нават у самы апошні альбом, які зараз рыхтуецца да выпуску. Кампазіцыя будзе выконвацца ў канцэртных праграмах 2020 года. Дар’я Багаслова і Дзмітрый Брытанаў прадставілі песні, які ўвойдуць у новы альбом «Мроі імклівых дзён».
Дар’я Багаслова выступіла не толькі выканаўцам у групах «Вочы» і «Раса мечтателей», але і як мастачка. Госці вечарыны першымі паглядзелі відэа-прэзентацыю карціны Дар'і «Изнанка повседневности», якая была скончаная перад Новым Годам. Дар’я плануе выставіць працу на аўкцыён з пачатковым коштам у 600 $.
Саліст ска-панк гурта «The Goonzz!» Аляксей Пасікаў упершыню выканаў песню «Тот день, когда умру». Гэтая кампазіцыя хутчэй за ўсё застанецца ў акустычным сола-фармаце. Яна таксама не ўвайшла ў апошні альбом гурта. Цяпер «гунсы» пачалі рыхтаваць адмысловую акустычную праграму для выступаў на сустрэчах клуба.
Скончыў музычную праграму Аляксандр Гайваронскі: каверамі і аўтарскімі песнямі.
Наступная сустрэча клуба рыхтуецца ўжо да 15 лютага. Падрабязнасці праграмы пакуль не выдаюць.
"Пяльменная 1961" пачала працу на Савецкай, 23 у суботу, 22 лютага. Установа адкрылася на тым…
Шматгадзінныя чэргі, перфаратар і два акенца на рэгістрацыю. Дзяўчына схадзіла ў Гродзенскае агенцтва па дзяржаўнай…
Прадпрыемства "Гродна Азот" 12 лютага ў Telegram-канале анансавала конкурс да Дня роднай мовы. Да самога…
Палітзняволены з Гродна Кірыл Кетурка скончыў жыццё самагубствам у Цэнтры ўтрымання пад вартай у Варшаве-Служэўцы…
Былому сенатару і дырэктару «Краснасельскбудматэрыялы» Уладзіміру Кісялёву пагражае да трох гадоў калоніі за разгалашэнне службовай…
"Малочны Мір" абавязалі змяніць назву для серыі глазураваных сыркоў. Пасля чыёсьці скаргі ў Міністэрства антыманапольнага…